سۋرەت: كادرلاردان ٷزٸندٸ
ەكٸ جىل بۇرىن قازا تاپقان مەرزٸمدٸ سارباز الماس شاحيموۆتىڭ تۋىستارى ەكسگۋماتسييا جاساتىپ التى اي كٷتكەننەن سوڭ, ساراپتاما نەتيجەسٸمەن بٶلٸستٸ. ولاردىڭ كٷدٸكتەرٸ راستالىپ, ساراپتاما نەتيجەسٸندە ساربازدىڭ دەنەسٸنەن پىشاق جاراقاتى مەن تٷرلٸ اياۋسىز سوققىلاردىڭ ٸزٸ انىقتالدى. بۇل تۋرالى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ حابارلايدى.
الماتى قالاسىندا ەسكەري بورىشىن ٶتەۋگە كەتكەن الماس شاحيموۆتىڭ وتباسىنا ەكٸ ايدان سوڭ قارالى حابار كەلگەن. ول كەزدە ٶلٸمنٸڭ رەسمي سەبەبٸن جازاتايىم وقيعا دەپ بەرگەن. سارباز وقۋ جاتتىعۋ كەزٸندە ٶزگەلەرگە قاۋٸپسٸز جەرگە بارۋعا كٶمەكتەسٸپ, ٶزٸ قاتتى داۋىلدىڭ ەسەرٸنەن قۇلاعان مەتال جابدىقتىڭ استىندا قالىپ, مەرت بولدى دەلٸنگەن.
“العاشىندا بٸزدە كٶپتەگەن ايعاق دەلەلدەر بولعاندىقتان ەكسگۋماتسييا جاساتۋعا قارسى بولدىق. الايدا ەسكەريلەر كەيٸن بارلىق ايعاقتاردى, ۇلىمنىڭ ەسكەري كيٸمدەرٸن, پوليگونداعى بەينەجازبالاردىڭ بەرٸن جويدى” , – دەدٸ الماستىڭ اناسى.
دەرەكتەرگە سٷيەنسەك وسىنشا ۋاقىت ٶتكەننەن سوڭ مارقۇمنىڭ تۋىستارىنىڭ كٷدٸكتەرٸ راستالعان.
“مەيٸت ساراپتاماسىنان وڭ جاعىنان ٷش پىشاق جاراقاتى, قىلقىندىرعان ٸزدەر, 26 دەنە جاراقاتى انىقتالعان. ونىڭ بٷيرەگٸن ەزٸپ, باس سٷيەگٸن سىندىرىپ, تەمەكٸنٸ ارقاسىنا باسىپ, سٶندٸرگەن”, – دەپ قوستى اناسى.
ودان بٶلەك, اناسىنىڭ ايتۋىنشا, الماس باعىنىشتى بولعان وفيتسەر ەسكەرگە قابىلدانا سالا جٸگٸتتٸڭ اتىنا نەسيە العىزعان.
“الماستى ەسكەرگە كٶزٸنە وتا جاسالعان سوڭ بٸردەن الىپ كەتتٸ. ولار دەرٸگەرلەردٸڭ وتادان سوڭ جارتى جىل فيزيكالىق كٷش سالۋعا بولمايدى دەگەن تىيىمىنا قارامادى. 27 مامىر ونى الىپ كەتتٸ. مامىردىڭ 28-ٸ كٷنٸ ۇلىم الماتىعا جەتتٸ. 29-دا ەسكەري بٶلٸمٸنە جەتٸپ, 30-دا ونىڭ اتىنا نەسيە رەسٸمدەلگەن”, – دەدٸ اناسى.
الماستىڭ وتباسى ەكٸ جىلدان بەرٸ ەدٸلدٸك ٷشٸن كٷرەسكەن. تٸپتٸ ولارعا ەسكەريلەردٸڭ ٶزٸ ماتەريالدىق ٶتەماقى تٶلەيتٸنٸن, اقشا, پەتەر مەن كٸشٸ قىزدارىن وقۋعا تٷسٸرۋدٸ ۇسىنعان.
ۇلتتىق گۆاردييا تٸپتٸ ساربازعا ەرلٸگٸ ٷشٸن ماراپات تا بەرگەن. الايدا جاقىندارى بۇل ماراپاتتان باس تارتقان. سەبەبٸ ولار الماستىڭ شاڭدى داۋىلدان ٶزگەلەردٸ قۇتقارىپ ەمەس, بٸرەۋدٸڭ قولىنان مەرت بولعانىنا سەنٸمدٸ.
ەسكە سالساق, بۇعان دەيٸن الماتىدا بورىشىن ٶتەپ جٷرگەن ساربازدىڭ قۇمدى داۋىل كەزٸندە كٶز جۇمعانى تۋرالى حابارلاعان ەدٸك. 5574 ەسكەري بٶلٸمٸندە بورىشىن ٶتەپ جٷرگەن سارباز وقۋ ورتالىعىندا دالالىق جاتتىعۋدا بولعان كەزدە كٶز جۇمعان. ۆەدومستۆو مەلٸمەتٸنە سەيكەس, قاتتى جەل سالدارىنان شاتىردىڭ تەمٸر جاقتاۋى باسىنا تيگەن.
