رەسەي باسشىسى ۆلاديمير پۋتين امەريكالىق رەجيسسەر وليۆەر ستوۋنعا بەرگەن سۇحباتىندا كەڭەستٸڭ قاندىقول ليدەرٸ يوسيف ستاليننٸڭ قىزمەتٸنە بٸرجاقتى قاراي المايتىنىن ايتتى, - دەپ حابارلايدى ريا نوۆوستي.
پۋتيننٸڭ ايتۋىنشا, ول ستاليندٸ شەكتەن تىس دەمونيزاتسييالاۋعا قارسى ەكەنٸن, بٸراق ستالينيزم سۇمدىقتارىن ۇمىتۋدى دا قولدامايتىنىن ايتتى. "بۇل ٶتە كٷردەلٸ فيگۋرا", - دەدٸ پۋتين.
ستوۋن پۋتيننەن ستاليننٸڭ "رەسەيدٸ فاشيزمنەن قۇتقارعانىنا" قاتىستى قانداي كٶزقاراستا ەكەنٸن سۇراعان. "مەنٸڭشە, سٸز ٶتە قۋ ادامسىز", - دەپ جاۋاپ بەردٸ پۋتين.
"ستالين ٶز دەۋٸرٸنٸڭ ٶنٸمٸ بولدى. ونى جامانداي بەرۋگە دە بولادى, ناتسيزمدٸ جەڭدٸ دەپ, ماقتاي بەرۋگە دە بولادى. ونى دەمونيزاتسييالاۋعا كەلسەك, اعىلشىن تاريحىندا كرومۆەل دەگەن قايراتكەر بولدى. ول قاندىقول ادام ەدٸ. رەۆوليۋتسييالىق قايتا قۇرىلۋ تولقىنىندا كەلٸپ, ديكتاتورعا, تيرانعا اينالدى. ۇلىبريتانييادا ونىڭ ەسكەرتكٸشتەرٸ ەلٸ دە تۇر. ناپولەوندى تٸپتٸ قۇدايداي كٶرەدٸ. ول نە ٸستەپ ەدٸ? رەۆوليۋتسييا كەزٸندە بيلٸككە كەلٸپ, مونارحييانى قايتا ورناتتى, ٶزٸن يمپەراتور دەپ جارييالاپ, فرانتسييانى ۇلتتىق كاتاستروفاعا, جەڭٸلٸسكە ەكەپ سوقتىردى", - دەدٸ ول.
ايتۋىنشا, ستاليندٸ دەموزاتسييالاۋ - كەڭەس وداعى مەن رەسەيگە دەگەن شابۋىلداردىڭ بٸر جولى. "بٷگٸنگٸ رەسەيدە ستالينيزمنٸڭ سارقىنشاعى بار دەپ كٶرسەتۋ. بارلىعىمىزدا دا سارقىنشاق بار. ەندٸ قايتەمٸز? رەسەي تٷبەگەيلٸ ٶزگەردٸ. ەرينە, سانادا قالىپ قويعاندارى دا بار شىعار. بٸراق بۇل ستالينيزمنٸڭ سۇمدىعىن ۇمىتۋ دەگەندٸ بٸلدٸرمەيدٸ. ستالينيزم كەزٸندە ميلليونداعان وتانداسىمىز قىرىلدى", - دەپ مەلٸمدەدٸ رەسەي پرەزيدەنتٸ.
ونىڭ ايتۋىنشا, ۇلىبريتانييا پرەمەرٸ ۋينستون چەرچيلل سەكٸلدٸ "كەڭەسكە قارسى" ادامنىڭ ٶزٸ ستالينگە جىلى قاباق تانىتقان. "ٶتكەن زاماننىڭ بەلگٸلٸ قايراتكەرٸ ۋينستون چەرچيلل كەڭەسكە قارسى ادام بولعان, بٸراق ەكٸنشٸ دٷنيەجٷزٸلٸك سوعىس باستالعاندا ول كەڭەس وداعىمەن سەرٸكتەستٸك ورناتۋدى جاقتاپ, ستاليندٸ ۇلى قولباسشى ەرٸ رەۆوليۋتسيونەر دەپ اتاعان. ەكٸنشٸ دٷنيەجٷزٸلٸك سوعىستان كەيٸن دەل وسى چەرچيلل قىرعي-قاباق سوعىستى باستاعان. كەڭەس وداعى العاشقى اتوم بومباسىن سىناقتان ٶتكٸزگەندە ۋينستون چەرچيلل ەكٸ جٷيەنٸڭ بولۋىن قولدادى. ول ٶتە ورالىمدى ادام بولعان. بٸراق مەنٸڭشە, ونىڭ ستالينگە دەگەن كٶزقاراسى ٶزگەرگەن ەمەس", - دەدٸ پۋتين.
وسىدان كەيٸن ستوۋن پۋتينگە بىلاي دەپ سۇراق قويدى: "اتا-اناڭىز ستالينگە تامساندى ما?".
"ەرينە. كەڭەس وداعىنىڭ ازاماتتارىنىڭ باسىم بٶلٸگٸ ستالينگە تامسانعان دەپ ويلايمىن", - دەپ جاۋاپ بەردٸ پۋتين.
