رەسەي فەدەراتسيياسىنىڭ پرەزيدەنتٸ ۆلاديمير پۋتين ەل كونستيتۋتسيياسىنا تيٸستٸ ٶزگەرتۋلەر ەنگٸزٸلگەن جاعدايدا پرەزيدەنتٸككە جاڭا مەرزٸمگە ٶز كانديداتۋراسىن ۇسىناتىنىن جوققا شىعارمادى. ول بۇل تۋرالى «روسسييا-1» تەلەارناسىندا كٶرسەتٸلگەن «رەسەي. كرەمل. پۋتين» فيلمٸ ٷشٸن بەرگەن سۇحباتتا ايتتى, دەپ حابارلايدى تاسس اگەنتتٸگٸ.
«ٶزٸم ٷشٸن ەلٸ شەشٸم قابىلدامادىم. ەگەر كونستيتۋتسييادا مٷمكٸندٸك جاسالسا, سايلاۋعا تٷسۋٸم تۋرالى ىقتيمالدىلىقتى جوققا شىعارمايمىن. ونى الداعى ۋاقىت كٶرسەتەدٸ», - دەدٸ ول.
بۇل رەتتە, ۆ.پۋتين شەنەۋنٸكتەرگە ونىڭ ٸزٸن باساتىن ادامدى قازٸردەن ٸزدەپ كەتپەي, ٶز جۇمىستارىمەن اينالىسۋدى ەسكەرتتٸ. «ٸزباساردى ٸزدەۋمەن ەمەس, جۇمىسپەن اينالىسۋ قاجەت», - دەدٸ رف باسشىسى.
رەسەي پرەزيدەنتٸ كونستيتۋتسيياعا ٶزگەرٸس ەنگٸزۋ ۇسىنىسى ٶتە ورىندى ەكەنٸنە سەنٸمدٸ.
«قولدانىستاعى كونستيتۋتسيياعا تٷزەتۋلەر قابىلداپ جاتقانىمىز ٶتە دۇرىس ەكەنٸنە كەمٸل سەنەمٸن», - دەگەن ول, سوڭعى ايلارداعى وقيعالار سوعان دەلەل بولا الاتىنىن ايتىپ ٶتتٸ.
«قازٸرگٸ كونستيتۋتسييا ەرەكشە كەزەڭدە – تانكٸلەر پارلامەنتكە وق جاۋدىرىپ, مەسكەۋدە قاقتىعىستار بولىپ جاتقان, ٶتكٸر ٸشكٸساياسي داعدارىس جاعدايىندا قابىلداندى», - دەپ ەسكە سالدى ول.
