5 سەۋٸردە رەسەي پرەزيدەنتٸ ۆلاديمير پۋتين ٶزٸنە 2036 جىلعا دەيٸن بيلٸكتە قالۋعا مٷمكٸندٸك بەرەتٸن داۋلى زاڭ جوباسىنا قول قويدى. پارلامەنتتٸڭ قوس پالاتاسى جۋىقتا ماقۇلداعان جوبا سايلاۋ جەنە رەفەرەندۋم تۋرالى زاڭنامانى كونستيتۋتسيياعا ەنگٸزٸلگەن ٶزگەرٸستەرگە سەيكەستەندٸرەدٸ.
ەنگٸزٸلگەن ٶزگەرٸسكە سەيكەس, "بٸر ادام پرەزيدەنت قىزمەتٸن ەكٸ مەرزٸمنەن ارتىق اتقارا المايدى" دەگەن نورما قازٸرگٸ مەملەكەت باسشىسىنا دا قولدانىلادى, بٸراق ونىڭ بۇعان دەيٸنگٸ پرەزيدەنت بولعان مەرزٸمٸ ەسەپكە الىنبايدى. دەمەك پۋتين تاعى ەكٸ مەرزٸم پرەزيدەنت قىزمەتٸن اتقارۋعا حاقىلى بولماق.
جاڭا ٶزگەرٸستەر بويىنشا, جاسى 35-تەن اسقان, رەسەي اۋماعىندا كەمٸ 25 جىل تۇراقتى تۇراتىن, شەتەل ازاماتتىعى جوق جەنە ەشقاشان بولماعان, ٶزگە ەلدە ىقتييارحاتپەن دە تۇرماعان ادام رەسەي پرەزيدەنتٸ بولىپ سايلانا الادى. دەگەنمەن مەملەكەت نە ونىڭ بٶلٸگٸ رەسەي قۇرامىنا كەيٸن قوسىلسا, وندا تۇراتىن ادامنىڭ ازاماتتىعىنا قاتىستى بۇل تالاپتار قولدانىلمايدى.
رەسەي پرەزيدەنتٸ كونستيتۋتسيياعا ٶزگەرٸس ەنگٸزۋ تۋرالى باستامانى بىلتىر قاڭتاردا كٶتەرگەن. ناۋرىزدا ٸس جٷزٸندە پۋتيننٸڭ 2036 جىلعا دەيٸن پرەزيدەنت بولۋىنا مٷمكٸندٸك بەرەتٸن نورمالارى بار زاڭ جوباسىن مەملەكەتتٸك دۋما بٸرٸنشٸ وقىلىمدا ماقۇلدادى. كەيٸن بۇل جوبا بٸرنەشە كٷن قاتارىنان ٶتٸپ, 1 شٸلدەدە اياقتالعان رەفەرەندۋمدا بەكٸتٸلدٸ. جالپىۇلتتىق رەفەرەندۋم نارازىلىقتىڭ تۇتانۋىنا تٷرتكٸ بولدى, ارنايى جاساق نارازىلاردى كٷشپەن تاراتتى.
رەسەي بيلٸگٸ شەتەل اگەنتٸ تٸزٸمٸندەگٸ كوممەرتسييالىق ەمەس ۇيىم قاتارىنا قوسقان "لەۆادا-تسەنتر" ورتالىعىنىڭ زەرتتەۋٸنە سەيكەس, رەسەيلٸكتەردٸڭ 41 پايىزى پۋتيننٸڭ 2024 جىلدان كەيٸن پرەزيدەنت بولعانىن قالامايدى. پۋتيننٸڭ قايتا سايلانعانىن قالامايتىنداردىڭ جارتىسىنا جۋىعى ونىڭ ۇزاق وتىرعانىن, جۇرتتى جالىقتىرعانىن جەنە زەينەتكە كەتۋٸ تيٸس ەكەنٸن ايتقان.
5 سەۋٸردە ۆلاديمير پۋتين بۇدان بٶلەك, مەملەكەت باسشىسىنا ازاماتتىق تۇلعالاردى جوعارى لاۋازىمدى ەسكەري قىزمەتكە تاعايىنداۋعا ٶكٸلەت بەرەتٸن قۇجاتقا قول قويدى.
