قازاقستان مەن رەسەيدٸڭ ٶڭٸرارالىق ىنتىماقتاستىعىنىڭ XV فورۋمىندا رف پرەزيدەنتٸ ۆلاديمير پۋتين تۋريزم سالاسىندا ىنتىماقتاستىقتى دامىتۋ باعىتتارىن اتادى, دەپ حابارلايدى قازاقپارات.
«قازاقستان مەن رەسەي ەكونوميكالىق وپەراتورلارى اراسىنداعى بارلىق ەسەپ ايىرىسۋدىڭ 63 پايىزى ۇلتتىق ۆاليۋتادا ٸسكە اسىرىلادى. جاقىن ارادا بۇل كٶرسەتكٸش 75 پايىزعا جەتەدٸ دەپ ٷمٸتتەنەمٸز», - دەدٸ ۆ. پۋتين.
سونىمەن قاتار ول مەدەنيەت, بٸلٸم بەرۋ سالالارىندا بايلانىستار نىعايىپ كەلە جاتقانىن اتاپ ٶتتٸ. رەسەيدٸڭ 76 سۋبەكتٸسٸ قازاقستاننىڭ 14 وبلىسىمەن قارىم-قاتىناستى ورناتتى.
«جىل سايىن تٸكەلەي ٶڭٸرارالىق قاتىناستاردىڭ قارقىنى ارتىپ كەلەدٸ. قاڭتار-قازان ارالىعىندا قازاقستانعا 50-دەن استام رەسەيلٸك ايماقتىق دەلەگاتسييالار كەلدٸ. وسى ورايدا ونداعان بيزنەس-ميسسييالار, جاستار باعدارلامالارى ۇيىمداستىرىلدى, ياعني عىلىم, بٸلٸم جەنە مەدەنيەت سالالارىنا ارنالدى», - دەدٸ رف باسشىسى.
ونىڭ پايىمىنشا, ەكٸ ەل اراسىندا تۋريزمدٸ دامىتۋعا ەرەكشە ەكپٸن قويۋ كەرەك.
«تۋريستٸك يندۋسترييا ەلەۋلٸ ەكونوميكالىق ەلەۋەتكە يە. رەسەيدە ٸشكٸ جەنە سىرتتان كەلەتٸن تۋريزمگە قاتىستى ٷلكەن جۇمىستار اتقارىلۋدا. سونىمەن قاتار ەكٸ ەل اراسىندا تۋريستٸك الماسۋ دەڭگەيٸ ارتىپ كەلەدٸ. رەسەيگە جىل سايىن 3,6 ملن قازاقستاندىق, قازاقستانعا 3 ملن رەسەيلٸك ساپارلايدى. بۇل كٶرسەتكٸشتەر الداعى ۋاقىتتا ارتا تٷسەدٸ دەپ سەنٸمدٸمٸن», - دەدٸ ۆلاديمير پۋتين.
رف پرەزيدەنتٸنٸڭ پٸكٸرٸنشە, قازاقستان مەن رەسەي اراسىندا تاريحي-مەدەني قۇندىلىقتاردى تۋريستەرگە تانىستىراتىن باعىتتاردى جەتٸلدٸرۋ كەرەك.
«ەكٸ ەلدٸڭ ۇلتتىق, تاريحي-مەدەني قۇندىلىقتارىمەن, دەستٷرمەن تۋريستەردٸ تانىستىراتىن تيٸستٸ باعدارلاردى قۇرعان دۇرىس بولار ەدٸ. سونىمەن قاتار ەسكەرتكٸشتٸك, مەموريالدىق ورىندارعا ساپارلاۋعا ەلدەرٸمٸز ازاماتتارىنىڭ قىزىعۋشىلىعىن ىنتالاندىرعان ابزال», - دەدٸ ول.
«فورۋمعا قاتىسۋشىلاردىڭ بارلىعىنا بەلسەندٸ بٸرلەسكەن جۇمىس ٷشٸن العىسىمدى ايتقىم كەلەدٸ. كەلەسٸ جىلى ٶڭٸرارالىق فورۋمدى ٶتكٸزۋ كەزەگٸ رەسەيگە تٷسٸپ تۇر. وسى ورايدا سٸزدەردٸ ومبى قالاسىنا جينالۋعا شاقىرامىن», - دەپ تٷيدٸ كٶرشٸ مەملەكەت باسشىسى.
