قازاقستان رەسپۋبليكاسىنىڭ پرەزيدەنتتٸك ورتالىعىندا قازاقستان حالقى اسسامبلەياسىنىڭ 30 جىلدىعىنا ارنالعان استانا قالاسى بالالار كٶركەمسۋرەت مەكتەبٸ – يۋنەسكو كلۋبى تٷلەكتەرٸنٸڭ «ەلەم جاس سۋرەتشٸلەردٸڭ كٶزٸمەن» ديپلومدىق جۇمىستارىنىڭ كٶرمەسٸنٸڭ اشىلۋى ٶتتٸ.
استانا قالاسىنداعى بالالار كٶركەمسۋرەت مەكتەبٸ - يۋنەسكو كلۋبى – بۇل جاي عانا وقۋ ورنى ەمەس, 1983 جىلدان باستاپ تالانتتاردى تەربيەلەپ وتىرعان ناعىز شىعارماشىلىق شەبەرحانا. ەلوردانىڭ ەڭ كٶنە وقۋ ورىندارىنىڭ بٸرٸ. قىزمەت اتقارعان جىلدارىندا مەكتەپ جاس تالانتتاردى دامىتۋ ٷشٸن بٸرەگەي جاعداي تۋعىزا وتىرىپ, دەستٷرلەر مەن يننوۆاتسييالار توعىساتىن ناعىز كٶركەمدٸك بٸلٸم بەرۋ ورتالىعىنا اينالدى. استانا ق. بالالار كٶركەمسۋرەت مەكتەبٸ – يۋنەسكو كلۋبى قازاقستانداعى قالالىق, رەسپۋبليكالىق جەنە حالىقارالىق بالالار بەينەلەۋ شىعارماشىلىعى جوبالارىنىڭ ٷيلەستٸرۋشٸسٸ بولىپ تابىلادى.
مەكتەپ ٶزٸنٸڭ جەتٸستٸكتەرٸن ماقتان تۇتادى, ونىڭ وقۋشىلارى بٸرنەشە رەت بەدەلدٸ حالىقارالىق جەنە رەسپۋبليكالىق بايقاۋلاردىڭ جەڭٸمپازدارى اتانىپ, بكم قورجىنىنا كٶپتەگەن ماراپاتتار مەن ديپلومدار ەكەلدٸ. 2008 جىلى مەكتەپ يۋنەسكو-نىڭ ەرەكشە مەرتەبەسٸنە يە بولدى, بۇل ونىڭ قازاقستاننىڭ مەدەنيەتٸ مەن ٶنەرٸن دامىتۋعا قوسقان ٷلەسٸن ايعاقتايدى.
بكم بالالاردى بٸرەگەي جۇمىستاردى جاساۋعا شابىتتاندىراتىن شىعارماشىلىق جوبالاردى بەلسەندٸ تٷردە جٷزەگە اسىرادى. ولاردىڭ قاتارىندا «تۋعان جەرٸم» حالىقارالىق سەندٸك-قولدانبالى ٶنەر بايقاۋى, «قىزىل كٸتاپ بالالاردىڭ كٶزٸمەن» رەسپۋبليكالىق بايقاۋى, سونداي-اق «ەكومودا» قالدىق ماتەريالداردان جاسالعان كوستيۋمدەردٸڭ قالالىق بايقاۋى جەنە باسقا دا كٶپتەگەن بايقاۋلار بار. بۇل جوبالار وقۋشىلاردىڭ شىعارماشىلىعىن اشىپ قانا قويماي, ولاردى تابيعات پەن مەدەني مۇراعا ۇقىپتى قاراۋعا ٷيرەتەدٸ.
ەڭ جارقىن جەنە اۋقىمدى جوبالاردىڭ بٸرٸ – استانا ق. بكم - يۋنەسكو كلۋبى مەن قر پرەزيدەنتتٸك ورتالىعىنىڭ بٸرلەسكەن جوباسى – «تۋعان ٶلكەم» رەسپۋبليكالىق باعدارلاماسى, ونىڭ شەڭبەرٸندە جىل سايىن ٶڭٸرلٸك كٶركەمسۋرەت مەكتەپتەرٸنٸڭ كٶرمەلەرٸ ٶتەدٸ.
«بٷگٸنگٸ ۆەرنيساج بٸزدٸ ەلوردامىزدىڭ جاس تالانتتارىنىڭ شىعارماشىلىعىمەن تانىستىرادى. جارقىن تٷستەر پاليتراسى بالالارعا ٶزدەرٸنٸڭ قورشاعان ەلەمگە, سەزٸمدەرٸنە, كٶڭٸل-كٷيلەرٸنە دەگەن كٶزقاراستارىن كارتينالارىندا كٶرسەتۋگە كٶمەكتەستٸ. كٶرمە – وقۋشىلار مەن سۋرەتشٸلەر-پەداگوگتاردىڭ بٸرلەسكەن تيٸمدٸ جۇمىسىنىڭ نەتيجەسٸ. قازٸرگٸ ەلەمدە شىعارماشىلىق بالا تۇلعاسىنىڭ قالىپتاسۋىندا ماڭىزدى رٶل اتقارادى. سوندىقتان پرەزيدەنتتٸك ورتالىق بالالاردىڭ ەلەۋەتٸن اشۋعا, ولاردىڭ ٶزٸن-ٶزٸ كٶرسەتۋٸنە جەنە شىعارماشىلىق يدەيالارىن جٷزەگە اسىرۋعا باعىتتالعان باستامالاردى ەردايىم قولداۋعا دايىن» – دەدٸ قازاقستان رەسپۋبليكاسىنىڭ پرەزيدەنتتٸك ورتالىعىنىڭ ورىنباسارى بوتاگوز قايىپوۆا.
«ەلەم جاس سۋرەتشٸلەردٸڭ كٶزٸمەن» كٶرمەسٸندە كٶرەرمەندەر بەينەلەۋ ٶنەرٸنٸڭ تٷرلٸ تەحنيكاسىندا جاسالعان جارقىن جەنە جان-جاقتى تاقىرىپتاعى تۋىندىلاردى كٶرەدٸ.
ەربٸر جۇمىس – جاس سۋرەتشٸلەردٸڭ ٶز ەلٸنە, وتباسىنا, تابيعاتى مەن مەدەنيەتٸنە دەگەن سٷيٸسپەنشٸلٸگٸ تۋرالى شىنايى تۋىندىسى. تٷلەكتەر ٶزدەرٸنٸڭ كارتينالارى ارقىلى ەموتسييالار مەن ارماندارعا تولى ەلەمگە دەگەن كٶزقاراستارىمەن بٶلٸسەدٸ.
كٶرمەنٸڭ اشىلۋ كٷنٸ استانا قالاسى كشم پەداگوگتارى «ادام بەينەسٸنٸڭ نوبايلارى» جەنە «انانىڭ پورترەتٸ» تاقىرىپتارىندا شەبەرلٸك دەرٸستەرٸن ٶتكٸزەدٸ.
ايتا كەتەيٸك, كٶرمە 2025 جىلدىڭ 8 سەۋٸرٸنە دەيٸن جالعاسادى.
