Qazaqstan Respýblikasynyń Prezidenttik ortalyǵynda Qazaqstan halqy Assambleiasynyń 30 jyldyǵyna arnalǵan Astana qalasy balalar kórkemsýret mektebi – IýNESKO klýby túlekteriniń «Álem jas sýretshilerdiń kózimen» diplomdyq jumystarynyń kórmesiniń ashylýy ótti.
Astana qalasyndaǵy Balalar kórkemsýret mektebi - IýNESKO klýby – bul jai ǵana oqý orny emes, 1983 jyldan bastap talanttardy tárbielep otyrǵan naǵyz shyǵarmashylyq sheberhana. Elordanyń eń kóne oqý oryndarynyń biri. Qyzmet atqarǵan jyldarynda mektep jas talanttardy damytý úshin biregei jaǵdai týǵyza otyryp, dástúrler men innovatsiialar toǵysatyn naǵyz kórkemdik bilim berý ortalyǵyna ainaldy. Astana q. Balalar kórkemsýret mektebi – IýNESKO klýby Qazaqstandaǵy qalalyq, respýblikalyq jáne halyqaralyq balalar beineleý shyǵarmashylyǵy jobalarynyń úilestirýshisi bolyp tabylady.
Mektep óziniń jetistikterin maqtan tutady, onyń oqýshylary birneshe ret bedeldi halyqaralyq jáne respýblikalyq baiqaýlardyń jeńimpazdary atanyp, BKM qorjynyna kóptegen marapattar men diplomdar ákeldi. 2008 jyly mektep IýNESKO-nyń erekshe mártebesine ie boldy, bul onyń Qazaqstannyń mádenieti men ónerin damytýǵa qosqan úlesin aiǵaqtaidy.
BKM balalardy biregei jumystardy jasaýǵa shabyttandyratyn shyǵarmashylyq jobalardy belsendi túrde júzege asyrady. Olardyń qatarynda «Týǵan jerim» halyqaralyq sándik-qoldanbaly óner baiqaýy, «Qyzyl kitap balalardyń kózimen» respýblikalyq baiqaýy, sondai-aq «EKOmoda» qaldyq materialdardan jasalǵan kostiýmderdiń qalalyq baiqaýy jáne basqa da kóptegen baiqaýlar bar. Bul jobalar oqýshylardyń shyǵarmashylyǵyn ashyp qana qoimai, olardy tabiǵat pen mádeni muraǵa uqypty qaraýǵa úiretedi.
Eń jarqyn jáne aýqymdy jobalardyń biri – Astana q. BKM - IýNESKO klýby men QR Prezidenttik ortalyǵynyń birlesken jobasy – «Týǵan ólkem» respýblikalyq baǵdarlamasy, onyń sheńberinde jyl saiyn óńirlik kórkemsýret mektepteriniń kórmeleri ótedi.
«Búgingi vernisaj bizdi elordamyzdyń jas talanttarynyń shyǵarmashylyǵymen tanystyrady. Jarqyn túster palitrasy balalarǵa ózderiniń qorshaǵan álemge, sezimderine, kóńil-kúilerine degen kózqarastaryn kartinalarynda kórsetýge kómektesti. Kórme – oqýshylar men sýretshiler-pedagogtardyń birlesken tiimdi jumysynyń nátijesi. Qazirgi álemde shyǵarmashylyq bala tulǵasynyń qalyptasýynda mańyzdy ról atqarady. Sondyqtan Prezidenttik ortalyq balalardyń áleýetin ashýǵa, olardyń ózin-ózi kórsetýine jáne shyǵarmashylyq ideialaryn júzege asyrýǵa baǵyttalǵan bastamalardy árdaiym qoldaýǵa daiyn» – dedi Qazaqstan Respýblikasynyń Prezidenttik ortalyǵynyń orynbasary Botagoz Qaiypova.
«Álem jas sýretshilerdiń kózimen» kórmesinde kórermender beineleý óneriniń túrli tehnikasynda jasalǵan jarqyn jáne jan-jaqty taqyryptaǵy týyndylardy kóredi.
Árbir jumys – jas sýretshilerdiń óz eline, otbasyna, tabiǵaty men mádenietine degen súiispenshiligi týraly shynaiy týyndysy. Túlekter ózderiniń kartinalary arqyly emotsiialar men armandarǵa toly álemge degen kózqarastarymen bólisedi.
Kórmeniń ashylý kúni Astana qalasy KShM pedagogtary «Adam beinesiniń nobailary» jáne «Ananyń portreti» taqyryptarynda sheberlik dáristerin ótkizedi.
Aita keteiik, kórme 2025 jyldyń 8 sáýirine deiin jalǵasady.
