پرەزيدەنت قاسىم-جومارت توقاەۆ «قازاقستان – قىتاي» ينۆەستيتسييالىق فورۋمىندا ەكٸ ەل اراسىنداعى ٶنەركەسٸپتٸك جەنە تەحنولوگييالىق ىنتىماقتاستىقتى جاڭا دەڭگەيگە كٶتەرۋگە باعىتتالعان بٸرقاتار باستامانى ۇسىندى, دەپ حابارلايدى ult.kz.
مەملەكەت باسشىسى ٶنەركەسٸپ سالاسىنداعى ىقپالداستىقتى نىعايتۋدىڭ ماڭىزىن اتاپ ٶتتٸ. ونىڭ ايتۋىنشا, قازٸرگٸ ۋاقىتتا قازاقستان مەن قىتاي اراسىندا جالپى قۇنى 62 ملرد دوللاردان اساتىن 260 بٸرلەسكەن ٸرٸ جوبا جٷزەگە اسىرىلىپ جاتىر.
توقاەۆ الماتىداعى اۆتوكٶلٸك كلاستەرٸن, قاراعاندى وبلىسىنداعى كرەمنيي ٶندٸرٸسٸن, سونداي-اق مەتاللۋرگييا, مۇناي-گاز حيميياسى جەنە ەنەرگييا جيناقتاۋ سالالارىنداعى جوبالاردى مىسالعا كەلتٸردٸ.
سونىمەن قاتار اقتٶبە وبلىسىندا قىتايلىق Jinyi Holding Group كومپانيياسىمەن بٸرلەسٸپ يندۋسترييالىق ايماق قۇرىلىپ جاتقانى ايتىلدى. اگروٶنەركەسٸپ سالاسىندا Lihua, Fufeng جەنە Dalian Hesheng Holdings كومپانييالارى ماقتا-ماتا كلاستەرٸن دامىتۋ, جٷگەرٸ مەن بيدايدى تەرەڭ ٶڭدەۋ جوبالارىن جٷزەگە اسىرىپ جاتىر.
پرەزيدەنت جەكەلەگەن ينۆەستيتسييالىق جوبالاردان بٶلەك, تولىققاندى ٶندٸرٸستٸك ەكوجٷيە قالىپتاستىرۋ قاجەت ەكەنٸن ايتتى.
«وسى ورايدا “Common History Destiny. Designed and Made in Both China And Kazakhstan” دەپ اتالاتىن قازاق-قىتاي باعدارلاماسىن ٸسكە قوسۋدى ۇسىنامىن. ٷكٸمەت قىتايلىق سەرٸكتەستەرمەن بٸرگە كەلەشەگٸ زور جوبالاردىڭ تٸزٸمٸن ەزٸرلەپ, ونىڭ بەرٸن جٷزەگە اسىرۋعا جەدەل كٸرٸسۋٸ كەرەك», – دەدٸ قاسىم-جومارت توقاەۆ.
قازاقستاندا قازاق-قىتاي جاساندى ينتەللەكت مەكتەبٸ اشىلۋى مٷمكٸن
مەملەكەت باسشىسى تسيفرلاندىرۋ سالاسىنداعى ىنتىماقتاستىققا دا توقتالدى. ونىڭ ايتۋىنشا, قازاقستان تەحنولوگييا ترانسفەرٸنە, بٸرلەسكەن ينجەنەرلٸك جەنە زەرتتەۋ ورتالىقتارىن قۇرۋعا مٷددەلٸ.
توقاەۆ ەلدە جاڭا فورماتسييا ماماندارىن دايارلاۋعا ەرەكشە كٶڭٸل بٶلٸنەتٸنٸن ايتىپ, استانادا تۇڭعىش قازاق-قىتاي جاساندى ينتەللەكت مەكتەبٸن اشۋ جوسپارىن جارييالادى.
پرەزيدەنت Alatau City جوباسىن دا قازاقستان مەن قىتاي اراسىنداعى تەحنولوگييالىق سەرٸكتەستٸكتٸڭ مىسالى رەتٸندە اتادى. جوبا قىتاي, ورتالىق ازييا جەنە ەۋروپا اراسىنداعى ٸسكەرلٸك بايلانىستاردى دامىتۋعا باعىتتالعان.
قازاقستان-قىتاي ينۆەستيتسييالىق ديالوگى جىل سايىن ٶتكٸزٸلەدٸ
قاسىم-جومارت توقاەۆ ينۆەستيتسييالىق جوبالاردى جٷزەگە اسىرۋ ٷشٸن تيٸمدٸ قارجىلىق ينفراقۇرىلىم قاجەت ەكەنٸن اتاپ ٶتتٸ.
پرەزيدەنت قىركٷيەك ايىنىڭ باسىندا «سامۇرىق-قازىنا» قورى قىتايدىڭ بانكارالىق نارىعىنا شىعىپ, جالپى سوماسى 3 ملرد يۋاننان اساتىن پاندا-وبليگاتسييالار شىعارعانىن ايتتى.
سونىمەن قاتار Kazakh Invest ۇلتتىق كومپانيياسى جانىنان قازاق-قىتاي ينۆەستيتسييالىق قورىن قۇرۋ تۋرالى كەلٸسٸمگە قول قويىلعان.
توقاەۆ «قازاقستان – قىتاي» ينۆەستيتسييالىق فورۋمىن تۇراقتى الاڭعا اينالدىرۋدى ۇسىندى.
«وسى فورۋمدى “قازاقستان-قىتاي” الماتى ينۆەستيتسييالىق ديالوگى دەگەن اتاۋمەن جىل سايىن قىركٷيەك ايىندا ٶتكٸزۋدٸ ۇسىنامىن», – دەدٸ پرەزيدەنت.
مەملەكەت باسشىسى قازاقستان قىتايمەن دوستىق جەنە ستراتەگييالىق سەرٸكتەستٸك بايلانىستارىن ودان ەرٸ نىعايتۋعا مٷددەلٸ ەكەنٸن اتاپ ٶتتٸ.
«قازاقستان مەن قىتاي – ەكٸ دوس, كٶرشٸلەس ەل بولىپ, ەربٸر ٸستٸ ويداعىداي جٷزەگە اسىرادى دەپ سەنەمٸن», – دەپ تٷيٸندەدٸ قاسىم-جومارت توقاەۆ.
ايتا كەتەيٸك, توقاەۆ قازاقستان مەن قىتاي اراسىنداعى تاۋار اينالىمىن $100 ملرد-قا جەتكٸزۋ جوسپارىن ايتتى.
