فوتو: جەكە مۇراعات
يگٸلٸك ورازالى ەسٸمٸ ەلوردالىق كٶرەرمەندەرگە جاقسى تانىس. ول – استانا قالاسى ەكٸمدٸگٸنٸڭ مۋزىكالىق جاس كٶرەرمەندەر تەاترىنىڭ جەتەكشٸ اكتەرلەرٸنٸڭ بٸرٸ. اتالمىش ٶنەر شاڭىراعىندا ول سومداعان ايشىقتى كەيٸپكەرلەر كٶرەرمەننٸڭ سٷيٸكتٸسٸنە اينالىپ ٷلگەردٸ.
جۇلدىزدى قادامى «Astana Musical» تەاترىنان باستالدى. ونداعى ەڭ جارقىن بەينەسٸ – ع.مٷسٸرەپوۆ پەن ە.برۋسيلوۆسكييدٸڭ «قىز جٸبەك» ەتنو-فولكلورلىق ميۋزيكلٸندەگٸ تٶلەگەن رٶلٸ. تٶلەگەن – ورازالىنىڭ جۇلدىزىن جاققان رٶل بولدى.
ميۋزيكل دايىندىعىن قازاقتىڭ تٶلەگەنٸ مەن جٸبەگٸ – قۇمان تاستانبەكوۆ پەن مەرۋەرت ٶتەكەشوۆا تاماشالايدى. سول سەتتە وتتى ورازالى مەن جالىندى ينابات ريزابەكوۆا ساحنا كوريفەيلەرٸنٸڭ الدىندا بارىن سالىپ ٶنەر كٶرسەتەدٸ. دايىندىق سوڭىندا ق.تاستانبەكوۆ: «اسحات (اسحات ماەميروۆ – قر ەڭبەك سٸڭٸرگەن قايراتكەرٸ, رەجيسسەر), مىنا بالا جٸبەككە تٶلەگەن بولىپ ەمەس, ورازالى بولىپ عاشىق بولىپ تۇر. ەكەۋٸ كەلەشەكتە ٷيلەنٸپ جاتسا تاڭ قالما» – دەپ باتاسىن بەرەدٸ.
فوتو: جەكە مۇراعات
تارلان اكتەردٸڭ اق نيەتتٸ باتاسى ورىندالىپ, ورازالى مەن ينابات اراعا ەكٸ جىل سالىپ شاڭىراق كٶتەردٸ.
«قىز جٸبەك» ميۋزيكلٸنٸڭ العاشقى پرەمەراسى قازاقستاندا ەمەس, فرانتسييانىڭ پاريج قالاسىنداعى «Le Trianon» تەاترىندا ٶتتٸ. ورازالى يگٸلٸك پەن ينابات ريزابەكوۆانىڭ تٶلەگەنٸ مەن جٸبەگٸ فرانتسۋز جۇرتشىلىعىن تاڭعالدىردى. قازاق ٶنەرٸن تاعى بٸر بيٸككە كٶتەردٸ.
2018 جىلى دٷنيەجٷزٸلٸك «استانا» تەاتر فەستيۆالٸ ۇيىمداستىرىلدى. ٶنەر دوداسىنىڭ شىمىلدىعى «قىز جٸبەك» ميۋزيكلٸمەن اشىلدى. سول سەتتە, فەستيۆال باستالماس بٸرنەشە مينۋت بۇرىن, بٸرٸن-بٸرٸ بٸراز جىلدان بەرٸ جوعالتقان ەكٸ تۋىس دەل سول جەردە تابىستى. بۇل وقيعانىڭ كۋەگەرٸ وسى جولداردىڭ اۆتورى – ٶزٸم بولاتىنمىن.
فوتو: جەكە مۇراعات
ورازالى ەل استاناسىنداعى ەكٸ ٸرگەلٸ تەاتردىڭ نەگٸزٸن قالادى. بٸرٸنشٸسٸ – ٶزٸنٸڭ باعىن اشقان «Astana Musical», ەكٸنشٸسٸ – «مۋزىكالىق جاس كٶرەرمەندەر تەاترى». ەكٸ ٶنەر وشاعىندا دا ورازالىنىڭ جولى بولدى. قادامى قۇتتى بولدى.
ورازالى – مٸنەزدٸ اكتەر. قاي كەيٸپكەرٸن الساق تا, ساحناداعى وتتى جانارى, ٶكتەم داۋىسى, ٸشكٸ جان-دٷنيەمەن ۇشتاسقان اكتەرلٸك تەحنيكاسى كٶرەرمەندٸ بەي-جاي قالدىرمايدى.
مەسەلەن, د.يسابەكوۆتٸڭ «گاۋحارتاس» مۋزىكالىق دراماسىنداعى تاستان رٶلٸ. ساحنا الاڭىندا ناعىز دالا پەرزەنتٸن كٶرەمٸز. ونىڭ جىلقىسىن ەرەكشە جاقسى كٶرەتٸن ساحناسى – اكتەرلٸك شىنايىلىقتىڭ دەلەلٸ. تاستان ٸشتەي جارى سالتاناتتى دا, ٸنٸسٸ قايىركەندٸ دە جاقسى كٶرەدٸ. بٸراق ونى بٸلدٸرتپەيدٸ. ٸشكٸ پسيحولوگييالىق شەبەرلٸك ارقىلى ونىڭ سەزٸمٸ كٶرەرمەنگە انىق سەزٸلەدٸ. بۇل – ورازالىنىڭ رٶل جاساۋداعى ەرەكشەلٸگٸ.
فوتو: جەكە مۇراعات
يتالييان اكتريساسى مونيكا بەللۋچچي: «اكتەرلٸك ويىن – ول تەك قانا سٶزبەن سٶيلەۋ ەمەس. كٶزبەن ويناتۋ. حولي حانتەر «پيانينو» فيلمٸندە بٸردە-بٸر سٶز ايتپاي-اق, كٶز شەبەرلٸگٸ ارقىلى «وسكار» سىيلىعىن الدى» – دەيدٸ. شىنىندا, ورازالى دا تەاتر ساحناسىندا كٶز جانارىن شەبەر پايدالانا الادى.
«شەمشٸ» ميۋزيكلٸندە ول اقان سەرٸنٸڭ بەينەسٸن جاسادى. ونىڭ كەسكٸندەۋٸندەگٸ اقان سەرٸ – تەك جٷرەگٸ ەن دەپ سوققان ٶنەر يەسٸ عانا ەمەس, شەمشٸگە كٷش بەرەتٸن, شابىت سىيلايتىن قاھارمان.
جوعارىدا اتاپ ٶتكەنٸمدەي, مٸنەزدٸ اكتەر – بار بولمىسىن, مٸنەزٸن, كٷش-جٸگەرٸن بەينەسٸنە ارنايتىن ٶنەر يەسٸ. بۇل قاسيەت يگٸلٸك ورازالىنىڭ بويىنا تولىق سٸڭگەن.
وتتى اكتەر ورازالىنىڭ ٸزدەنٸسٸ مەن ەڭبەكقورلىعى تالاي ەرٸپتەسٸنە ٷلگٸ. اتا ٷمٸتٸن اقتاپ, ٶنەر جولىندا تەر تٶگٸپ جٷرگەن ونىڭ كٶرەرمەندٸ تاڭىرقاتار كەيٸپكەرلەرٸ ازايمايدى دەپ سەنەمٸز.
باحتييار تۇرسىن, تەاترتانۋشى
