«Alem credit» ينتەرنەت-پلاتفورماسىنىڭ زاڭسىز قىزمەتٸنە قاتىستى تەرگەۋ جٷرٸپ جاتىر. قۇقىق قورعاۋ ورگاندارى ونىڭ ۇيىمداستىرۋشىلارىن, زارداپ شەككەن ازاماتتاردى جەنە پايدالانىلعان تٶلەم قۇرالدارىن انىقتاۋدا, دەپ حابارلايدى ult.kz.
بۇل تۋرالى باس پروكۋرور بەرٸك اسىلوۆ قۇرىلتاي دەپۋتاتتارىنىڭ ساۋالىنا بەرگەن جاۋابىندا مەلٸمدەدٸ.
ونىڭ ايتۋىنشا, 2026 جىلعى 13 تامىزدا الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتٸ «Alem credit» پلاتفورماسىنىڭ زاڭسىز قىزمەتٸنە قاتىستى سوتقا دەيٸنگٸ تەرگەۋدٸ باستاعان.
پلاتفورما تسيفرلىق اكتيۆتەرمەن قارىز بەرۋشٸ رەتٸندە كٶرسەتٸلگەنٸمەن, ٸس جٷزٸندە ازاماتتارعا ۇلتتىق ۆاليۋتادا اقشانى جەدەل, اقىلى جەنە قايتارىمدى شارتتارمەن بەرگەن.
تەرگەۋ بارىسىندا سەگٸز زاڭدى تۇلعا مەن جەتٸ جەكە تۇلعانىڭ شوتتارى پايدالانىلعانى انىقتالعان. تٸنتۋ جٷرگٸزٸلٸپ, باقىلاۋداعى ۇيىمداردىڭ يەلەرٸ, بۋحگالتەرلەرٸ مەن IT-ماماندارى جاۋاپقا تارتىلعان. ال 18 تامىزدا پلاتفورماعا بايلانىستى ينتەرنەت-رەسۋرستارعا قولجەتٸمدٸلٸك شەكتەلگەن.
— قازٸرگٸ ۋاقىتتا زاڭسىز قىزمەتتٸ ۇيىمداستىرۋشىلار, جەبٸرلەنۋشٸلەر جەنە پايدالانىلعان تٶلەم قۇرالدارى انىقتالىپ جاتىر. تەرگەۋ بارىسى الماتى قالاسىنىڭ پروكۋراتۋراسىنىڭ باقىلاۋىندا, — دەدٸ بەرٸك اسىلوۆ.
باس پروكۋروردىڭ مەلٸمەتٸنشە, جىل باسىنان بەرٸ قۇقىق قورعاۋ ورگاندارى زاڭسىز ميكروقارجى قىزمەتٸنە قاتىستى 19 قىلمىستىق ٸستٸ تەرگەگەن. ونىڭ 10-ى سوتقا جولدانسا, تٶرتەۋٸ راقىمشىلىققا بايلانىستى توقتاتىلعان.
ەسكە سالايىق, بۇعان دەيٸن قۇرىلتاي دەپۋتاتى يۋريي لي قارىزعا بەرگەن اقشاسىن 23 ەسە ارتىق قايتارۋدى تالاپ ەتەتٸن كرەديتورلاردى جاۋاپقا تارتۋدى ۇسىنعان بولاتىن.
