بەلگٸلٸ ەنشٸ قاراقات ەبٸلدينا مەن جۇبايى قىدىرەلٸ بولمانوۆ قازاق كينوسىنىڭ اڭىزىنا اينالعان اكتريسا مەرۋەرت ٶتەكەشوۆانى ٷيلەرٸنە قوناققا شاقىرىپ, سىي-قۇرمەت كٶرسەتتٸ. ەنشٸ بۇل كەزدەسۋدەن العان ەسەرٸن ەلەۋمەتتٸك جەلٸدەگٸ پاراقشاسىندا بٶلٸستٸ, دەپ حابارلايدى ult.kz.
قاراقات ەبٸلدينانىڭ ايتۋىنشا, ول مەرۋەرت ٶتەكەشوۆانى بۇعان دەيٸن دە بٸرنەشە رەت قوناققا شاقىرعان. الايدا تٷرلٸ سەبەپتەرمەن كەزدەسۋ كەيٸنگە قالىپ كەلگەن. اقىرى ٶنەر يەلەرٸ بٸر داستارحان باسىندا باس قوسىپ, ەمەن-جارقىن ەڭگٸمەلەسۋدٸڭ سەتٸ تٷسكەن.
ەنشٸ قازاق كينو ٶنەرٸندە ٶشپەس ٸز قالدىرعان اكتريسانى شاڭىراعىندا قارسى الۋ ٶزٸ ٷشٸن ٷلكەن مەرتەبە ەكەنٸن جەتكٸزدٸ. ول مەرۋەرت ٶتەكەشوۆانىڭ ٶنەردەگٸ ورنىنا ەرەكشە توقتالىپ, حالىقتىڭ جٷرەگٸنەن ورىن العان تۇلعاعا دەگەن ىقىلاسىن بٸلدٸردٸ.
"بٸر دەۋٸردٸڭ سۇلۋلىق سيمۆولىنا, تۇتاس ۇلتتىڭ جٷرەگٸندەگٸ قىز جٸبەك بەينەسٸنە اينالعان اياۋلى مەرۋەرت ٶتەكەشوۆا اپامىزدى وسىعان دەيٸن اق داستارحانىمىزعا تالاي مەرتە شاقىرعان ەدٸك. كٶڭٸل قالاعانمەن, ەر كەزدەسۋدٸڭ اللا نەسٸپ ەتكەن ٶز سەتٸ بولادى ەكەن. ٶنەرٸمەن ۇلت جادىندا, ٶنەگەسٸمەن ەل جٷرەگٸندە قالعان اسىل اپامىزدى تٶرٸمٸزدەن كٶرۋ – بٸز ٷشٸن ٷلكەن قۋانىش!" – دەپ جازدى قاراقات ەبٸلدينا.
بۇل باسقوسۋعا اكتريسادان بٶلەك, ەلگە بەلگٸلٸ ازاماتتاردىڭ وتباسى مٷشەلەرٸ دە قاتىسقان. ولاردىڭ قاتارىندا مەملەكەت جەنە قوعام قايراتكەرلەرٸ بەردٸبەك ساپارباەۆ پەن ماقسۇت نەرٸكباەۆتىڭ جۇبايلارى بولعان. سونداي-اق قىزىلوردانىڭ قۇرمەتتٸ ازاماتى, قۇرىلىس سالاسىنىڭ ٶكٸلٸ مەجيت ەسٸمدٸ ازامات تا جۇبايىمەن بٸرگە قوناققا كەلگەن.
قاراقات ەبٸلدينا كەزدەسۋدٸڭ ەڭ قۇندى تۇسى ٷلكەندەردٸڭ ٶمٸرلٸك تەجٸريبەسٸ مەن ٶنەگەلٸ ەڭگٸمەلەرٸن تىڭداۋ بولعانىن اتاپ ٶتتٸ. ەسٸرەسە ەلگە قىزمەت ەتكەن ازاماتتاردىڭ جانىندا جٷرٸپ, وتباسىنىڭ بەرەكەسٸن ساقتاعان انالاردىڭ ٶمٸر جولى كٶپشٸلٸككە ٷلگٸ ەكەنٸن ايتتى.
"ٶمٸردٸڭ ىستىعى مەن سۋىعىن بٸرگە ٶتكەرٸپ, ازاماتتارىنا سٷيەۋ, شاڭىراعىنا تٸرەۋ بولعان انالارىمىزدىڭ ەرقايسىسىنىڭ عۇمىرى – ٶنەگە, ايتار ەڭگٸمەسٸ – تۇنىپ تۇرعان تاعىلىم. مەن ٷشٸن ٷلكەندەرمەن سىرلاسۋدىڭ, ٶمٸردەن تٷيگەنٸن تىڭداپ, اقىلىن الۋدىڭ ورنى بٶلەك", – دەدٸ ەنشٸ.
ٶز كەزەگٸندە مەرۋەرت ٶتەكەشوۆا دا داستارحان باسىندا اق تٸلەگٸن ارناپ, قاراقات ەبٸلدينا مەن قىدىرەلٸ بولمانوۆتىڭ وتباسىنا ريزاشىلىعىن بٸلدٸرگەن.
ەلەۋمەتتٸك جەلٸ قولدانۋشىلارى ٶنەرلٸ وتباسىنىڭ قوناقجايلىعىنا سٷيسٸنٸپ, ٷلكەنگە قۇرمەت كٶرسەتۋدٸڭ وسىنداي ٷلگٸلەرٸ كٶپ بولۋى كەرەكتٸگٸن جازدى. كٶپشٸلٸك ەسٸرەسە مەرۋەرت ٶتەكەشوۆاعا كٶرسەتٸلگەن ٸلتيپاتتى جىلى قابىلداعان.
قاراقات ەبٸلدينا كٸم?
قاراقات ەبٸلدينا – قازاقستاندىق تانىمال ەنشٸ, دەستٷرلٸ جەنە ەسترادالىق ەندەردٸ ورىنداۋشى, مەدەنيەت قايراتكەرٸ. ول قازاقتىڭ ۇلتتىق ٶنەرٸن ناسيحاتتاپ, حالىق ەندەرٸن زاماناۋي ساحنادا ورىنداۋىمەن كەڭٸنەن تانىلعان. ٶنەر يەسٸ ۇزاق جىلدار بويى قازاق مۋزىكاسىنىڭ دامۋىنا ٷلەس قوسىپ كەلەدٸ. قاراقات ەبٸلدينا حالىق ەندەرٸمەن قاتار اۆتورلىق شىعارمالاردى دا ورىندايدى. ونىڭ رەپەرتۋارىندا ۇلتتىق قۇندىلىقتاردى, اناعا دەگەن قۇرمەتتٸ, وتباسى مەن ماحابباتتى دەرٸپتەيتٸن ەندەر بار. ەنشٸ بەلگٸلٸ پروديۋسەر ەرٸ ٶنەر قايراتكەرٸ قىدىرەلٸ بولمانوۆپەن وتباسىن قۇرعان. ەرلٸ-زايىپتىلار قازاقستاننىڭ مەدەني ٶمٸرٸنە بەلسەندٸ ارالاسىپ, تٷرلٸ شىعارماشىلىق جوبالاردى جٷزەگە اسىرىپ كەلەدٸ.
قاراقات ەبٸلدينا 1978 جىلى 6 سەۋٸردە قاراعاندى وبلىسىنىڭ جاڭاارقا اۋدانىنداعى بايعۇل اۋىلىندا دٷنيەگە كەلگەن. ول قۇرمانعازى اتىنداعى الماتى مەملەكەتتٸك كونسەرۆاتوريياسىندا بٸلٸم الىپ, دومبىرامەن حالىق ەندەرٸن ورىنداۋ ماماندىعىن مەڭگەرگەن. ەنشٸلٸك شەبەرلٸگٸن بەلگٸلٸ ۇستاز سەۋلە جانپەيٸسوۆادان ٷيرەنگەن. كەيٸن قازاقستاننىڭ حالىق ەرتٸسٸ قايرات بايبوسىنوۆتىڭ جەتەكشٸلٸگٸمەن اسپيرانتۋرادا بٸلٸمٸن جەتٸلدٸرٸپ, ونى 2004 جىلى اياقتاعان.
شىعارماشىلىق جولىندا 1998-2003 جىلدارى "سالتانات" ەن-بي انسامبلٸندە ەڭبەك ەتكەن. 2003 جىلدان باستاپ "گٷلدەر" مەملەكەتتٸك انسامبلٸنٸڭ ەنشٸسٸ بولعان. 2001 جىلى حالىقارالىق "شابىت" بايقاۋىنىڭ ديپلومانتى اتانعان. قاراقات ەبٸلديناعا قازاقستاننىڭ ەڭبەك سٸڭٸرگەن قايراتكەرٸ اتاعى بەرٸلگەن
ٶنەر يەسٸ بالالارعا ۇلتتىق مۋزىكا مەن دەستٷرلٸ ەن ٶنەرٸن ٷيرەتۋ ماقساتىندا "قاراقات" مەكتەپ-ستۋديياسىن اشقان. بٷگٸندە بۇل باستاما ەلٸمٸزدٸڭ بٸرنەشە ٶڭٸرٸندە دامىپ, جاس تالانتتاردى تەربيەلەۋگە باعىتتالعان.
