فوتو: اشىق دەرەككٶز
بٷگٸن – حالىقارالىق وتباسى كٷنٸ. وسىعان وراي ۇلتتىق ستاتيستيكا بيۋروسى قازاقستانداعى سوڭعى ون جىلداعى نەكە ستاتيستيكاسىن جارييالادى, دەپ حابارلايدى Ult.kz.
مەلٸمەتكە سەيكەس, 2015 جىلى ەلٸمٸزدە 148,8 مىڭ نەكە تٸركەلسە, 2025 جىلى بۇل كٶرسەتكٸش 116 مىڭعا دەيٸن تٶمەندەگەن. وسىلايشا, سوڭعى 10 جىل ٸشٸندە نەكەلەر سانى شامامەن 22%-عا ازايعان.
سونىمەن قاتار, نەكەلەسۋ كوەففيتسيەنتٸ دە تٶمەندەگەن. ەگەر 2015 جىلى 1000 ادامعا شاققاندا 8,48 نەكە تٸركەلسە, 2025 جىلى بۇل كٶرسەتكٸش 5,69-دى قۇراعان.
ٶڭٸرلەر بويىنشا قاراعاندا, نەكەلەسۋ كوەففيتسيەنتٸنٸڭ ەڭ جوعارى دەڭگەيٸ استانادا تٸركەلگەن — 1000 ادامعا 6,75 نەكە. ال ەڭ تٶمەن كٶرسەتكٸشتەر قىزىلوردا وبلىسىندا — 5,06, باتىس قازاقستان وبلىسىندا — 5,1 بولعان.
مامانداردىڭ پٸكٸرٸنشە, استاناداعى جوعارى كٶرسەتكٸش جاستاردىڭ كٶشٸ-قون بەلسەندٸلٸگٸمەن جەنە ەڭبەككە قابٸلەتتٸ تۇرعىنداردىڭ كٶپ شوعىرلانۋىمەن بايلانىستى بولۋى مٷمكٸن.
ستاتيستيكاعا سەيكەس, قازاقستانداعى نەكەلەسۋدٸڭ ەڭ جوعارى دەڭگەيٸ 2012-2013 جىلدارى بايقالعان. ول كەزدە 1000 ادامعا شاققاندا 9,8-9,9 نەكە تٸركەلگەن. سالىستىرمالى تٷردە, 2005 جىلعى كٶرسەتكٸش 8,12 بولعان.
ساراپشىلار نەكەلەر سانىنىڭ ازايۋىن بٸرنەشە فاكتورمەن بايلانىستىرادى. سونىڭ بٸرٸ — دەموگرافييالىق تولقىن. ياعني, 1990 جىلداردىڭ سوڭىندا تۋۋ دەڭگەيٸ تٶمەن بولعان بۋىن قازٸر نەكە جاسىنا جەتكەن.
بۇدان بٶلەك, قازاقستاندىقتاردىڭ نەكەگە كەش تۇرۋ ٷردٸسٸ بايقالادى. سوڭعى 10 جىلدا العاشقى نەكەگە تۇرۋدىڭ ورتاشا جاسى ەرلەر اراسىندا 0,7 جىلعا, ەيەلدەر اراسىندا 0,6 جىلعا ٶسكەن.
2025 جىلعى دەرەك بويىنشا, ەرلەر العاش رەت ورتا ەسەپپەن 27,9 جاستا, ال ەيەلدەر 25,3 جاستا نەكەگە تۇرادى.
