فوتو: قر تسم
تۋريزم جەنە سپورت مينيسترلٸگٸندە ٸشكٸ تۋريزمدٸ دامىتۋعا, ەلدٸڭ تۋريستٸك ەلەۋەتٸن ناسيحاتتاۋعا جەنە قازاقستاننىڭ تسيفرلى كەڭٸستٸگٸندەگٸ وڭ يميدجٸن قالىپتاستىرۋعا ٷلەس قوسىپ جٷرگەن وتاندىق ترەۆەل-بلوگەرلەر مەن كونتەنت-كرەاتورلار ماراپاتتالدى, دەپ حابارلايدى Ult.kz.
سالتاناتتى رەسٸم بارىسىندا ەربول مىرزابوسىنوۆ قاتىسۋشىلارعا «تۋريزم سالاسىنىڭ ٷزدٸگٸ» ناگراداسىن تابىستاپ, قازاقستاننىڭ تۋريستٸك باعىتتارىن ەل ٸشٸندە دە, حالىقارالىق دەڭگەيدە دە تانىتۋدا تسيفرلىق كونتەنت پەن زاماناۋي مەديانىڭ ماڭىزدى رٶل اتقاراتىنىن اتاپ ٶتتٸ.
«سٸزدەردٸڭ ەڭبەكتەرٸڭٸزدٸڭ ارقاسىندا ەلٸمٸز شەتەلدە كەڭٸنەن تانىلىپ كەلەدٸ, ال مەملەكەتٸمٸزدٸڭ وڭ يميدجٸ ەل ٸشٸندە دە, حالىقارالىق دەڭگەيدە دە نىعايا تٷسۋدە. سول ٷشٸن سٸزدەرگە العىسىمدى بٸلدٸرەمٸن جەنە تۋريزمدٸ دامىتۋعا قاتىستى شەشٸمدەر قابىلداۋدا تەجٸريبەگە نەگٸزدەلگەن تەسٸلدٸ جەتٸلدٸرۋ باعىتىندا بٸرلەسە جۇمىس ٸستەۋگە شاقىرامىن», — دەپ اتاپ ٶتتٸ مينيستر.
سونداي-اق مينيستر داستان مۇحامەدراحىموۆتى @bydastan ينتەرنەت-جوبالار مەن تسيفرلى كونتەنت سالاسىندا «وسكار» اتانىپ كەتكەن WIBA Awards 2026 حالىقارالىق سىيلىعىنىڭ «ٷزدٸك ترەۆەل-بلوگەر» اتاعىن جەڭٸپ العانىمەن قۇتتىقتادى. سونىمەن قاتار ٶركەن دارحانۇلىنىڭ @orkeni ساپالى قازاقتٸلدٸ كونتەنتتٸ دامىتۋعا قوسقان ٷلەسٸ, تالعات قاناتۇلىنىڭ @talashin ەكولوگييالىق ەرٸ جاۋاپتى تۋريزم مەدەنيەتٸن ناسيحاتتاۋى جەنە سەكەن دانييارۇلىنىڭ @saken_kagarov بەلسەندٸ دەمالىس پەن سپورتتىق تۋريزمدٸ دامىتۋ باعىتىنداعى جۇمىسى ايتىلدى.
ەسكە سالا كەتەيٸك, بيىل مامىر ايىندا تۋريزم جەنە سپورت مينيسترلٸگٸ مەن ەكولوگييا جەنە تابيعي رەسۋرستار مينيسترلٸگٸ اراسىندا ەكوتۋريزمدٸ دامىتۋعا باعىتتالعان مەموراندۋمعا قول قويىلدى. ىنتىماقتاستىق اياسىندا بلوگەرلەر مەن درون وپەراتورلارىنا تۋريستٸك كونتەنت ەزٸرلەۋ ٷشٸن ەرەكشە قورعالاتىن تابيعي اۋماقتارعا جەڭٸلدەتٸلگەن تەرتٸپپەن كٸرۋگە مٷمكٸندٸك بەرەدٸ.
سونىمەن قاتار, 2026 جىلى قازاقستاندا العاش رەت وقيعالى تۋريزمدٸ دامىتۋعا جەنە شەتەلدٸك تۋريستەردٸ تارتۋعا باعىتتالعان 55 ٸرٸ ٸس-شارانى قامتيتىن بٸرىڭعاي وقيعالار كٷنتٸزبەسٸ جاساقتالدى. ونىڭ قاتارىندا «دەمدەستٷر», «قىزعالداق مۇرا», سيۆەرس الماسىنىڭ گٷلدەۋ فەستيۆالٸ, سونداي-اق الدا ٶتەتٸن «التىن بەسٸك – اقسۋات», «كٶكمايسا» جەنە «قازىنالى كاسپيي» فەستيۆالدەرٸ بار.
رەسٸم سوڭىندا قاتىسۋشىلارعا بيىل استانادا 29 شٸلدە مەن 9 تامىز ارالىعىندا ٶتەتٸن «بولاشاق ويىندارى» تۋرنيرٸ جەنە 20-23 تامىز كٷندەرٸ الماتىدا ۇيىمداستىرىلاتىن TBEX Asia 2026 حالىقارالىق فورۋمى تۋرالى ايتىلدى. فورۋمعا ەلەمنٸڭ تٷكپٸر-تٷكپٸرٸنەن 200-دەن استام ترەۆەل-بلوگەر مەن تۋريزم يندۋستريياسىنىڭ ٶكٸلدەرٸ قاتىسادى دەپ جوسپارلانعان.
