فوتو: قر ٷكٸمەتٸ
باتىس قازاقستان وبلىسىندا تٸرشٸلٸكتٸ قامتاماسىز ەتەتٸن نىسانداردى قورعاۋ شارالارى كٷشەيتٸلدٸ. اتاپ ايتقاندا, ورالدا «باتىس سۋ ارناسى» جشس, «جايىقجىلۋەنەرگو» اق نىساندارى مەن سورعىلاۋ ستانساسىندا سۋ تاسقىنىنا قارسى جۇمىستار ۇيىمداستىرىلدى, دەپ حابارلايدى «ۇلت اقپارات» ٷكٸمەتتٸڭ باسپاسٶز قىزمەتٸنە سٸلتەمە جاساپ.
ورال قالاسىندا سۋمەن جابدىقتاۋ جۇمىسى 2 تٷرلٸ كٶزدەن جٷزەگە اسىرىلادى: جەر استى سۋلارى مەن جايىق ٶزەنٸ ارقىلى.
قالانىڭ 340 مىڭ حالقىن سۋمەن قامتاماسىز ەتەتٸن «باتىس سۋ ارناسى» كوممۋنالدى كەسٸپورنى قازٸر قالىپتى رەجٸمدە جۇمىس ٸستەپ تۇر.
مەسەلەن, قاجەتتٸ سۋ مەن ونى تازالاۋعا ارنالعان رەاگەنتتەر قورى جەتكٸلٸكتٸ دەڭگەيدە. اپاتتى بريگادالار, كەسٸپورىننىڭ 820 قىزمەتكەرٸ مەن 82 ارنايى تەحنيكا دايىن تۇر.
«جايىق ٶزەنٸ بويىنداعى ستراتەگييالىق نىسانداردى تاسقىننان قورعاۋ ٷشٸن بٶگەتتٸ نىعايتۋ بويىنشا جۇمىستار جٷرگٸزٸلٸپ جاتىر. قالا تۇرعىندارىن سۋمەن قامتاماسىز ەتۋ جۇمىستارى الدىن الا قولعا الىنعان. سۋ تاسيتىن ارنايى كٶلٸك قاراستىرىلعان», — دەدٸ «باتىس سۋ ارناسىنىڭ» باس ينجەنەرٸ ايان تاسقالي.
«جايىقجىلۋەنەرگوسىنا» 248 شاقىرىمنان استام قالالىق جىلۋ جٷيەسٸ قارايدى.
اتالعان نىسانداردىڭ اۋماعىندا, ونىڭ ٸشٸندە اسا قاۋٸپتٸ ۋچاسكەلەردە سۋ تاسقىنىنا قارسى جۇمىس اياسىندا قۇم-قيىرشىق تاس قوسپاسىمەن تولتىرۋ امالدارى كٷشەيتٸلدٸ.
تيٸستٸ جۇمىستارعان 180 ادام مەن 15 ارنايى تەحنيكا جۇمىلدىرىلىپ وتىر.
تۇتاستاي العاندا باتىس قازاقستاندا بارلىعى 20 مىڭ شاقىرىمنان استام ەلەكتر جەلٸسٸ بار.
ايتالىق, تٶرت اۋداندا 20-دان استام, سونداي-اق ورال قالاسىندا 16 قوسالقى ستانسا جۇمىس ٸستەپ تۇر.
ولار قىردا ورنالاسقاندىقتان سۋ باسۋ قاۋپٸ جوق.
بۇعان قوسا پرەۆەنتيۆتٸ امالدار قولعا الىنىپ, شاھارداعى ەكٸ قوسالقى ستانسادا قاپ تٶسەۋ, قورعانىس ٷيٸندٸسٸن ورناتۋ جۇمىستارى قارقىن الدى.
سونىمەن بٸرگە اپاتتى بريگادالار, 1400 قىزمەتكەر مەن 140 ارنايى تەحنيكا دايىن تۇر.
وسى رەتتە جايىق ٶزەنٸندە ورنالاسقان سورعى ستانساسىن قورعاۋ شارالارى دا قابىلدانعانىن ايتا كەتەيٸك.
«جايىق ٶزەنٸنٸڭ جاعاسىندا «جايىقجىلۋەنەرگو» مەكەمەسٸن سۋمەن, سونداي-اق قالا حالقىن اۋىز سۋمەن قامتاماسىز ەتەتٸن سورعى ستانساسى بار. ودان كٷندەلٸكتٸ شامامەن 60 مىڭ تەكشە مەتر سۋ الامىز. بۇل ستراتەگييالىق نىسان بولىپ سانالادى. سوندىقتان ونىڭ اينالاسىنا قاپ تٶسەپ جاتىرمىز», —دەدٸ ەنەرگەتيكا جەنە تكش باسقارماسى باسشىسى ميراس مٷلكەي.
ەستەرٸڭٸزگە سالا كەتەيٸك, باتىس قازاقستان ٶڭٸرٸندە الداعى سۋ تاسقىنىنا دايىندىق اياسىندا قاجەتتٸ كٷش جۇمىلدىرىلدى.
ٶڭٸردە سۋ تاسقىنىنا قارسى ٸس-شارالارعا بارلىعى 6,3 مىڭنان استام ادام جەنە 1,5 مىڭ تەحنيكا تارتىلىپ وتىر.
تۇرعىن ٷي الاپتارىن نىعايتۋ بويىنشا شارالار قابىلدانۋدا.
