باتىس قازاقستان وبلىسىندا سينتەتيكالىق ەسٸرتكٸ تاراتۋمەن اينالىستى دەگەن كٷدٸكپەن 28 جاستاعى ورال قالاسىنىڭ تۇرعىنى ۇستالدى, دەپ حابارلايدى ult.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, جەدەل-ٸزدەستٸرۋ ٸس-شارالارى بارىسىندا كٷدٸكتٸ باسقارعان Hyundai اۆتوكٶلٸگٸ توقتاتىلعان. كٶلٸكتٸ تەكسەرۋ كەزٸندە ەسٸرتكٸگە ۇقساس زات سالىنعان ونداعان وراما تابىلعان.
كەيٸن كٷدٸكتٸنٸڭ تۇرعىلىقتى مەكەنجايىندا جٷرگٸزٸلگەن تٸنتۋ بارىسىندا قوسىمشا زاتتاي دەلەلدەمەلەر, ونىڭ ٸشٸندە ەلەكتروندى تارازى, قاپتاما ماتەريالدارى جەنە باسقا دا قۇرالدار تەركٸلەندٸ.
ساراپتاما قورىتىندىسى بويىنشا تەركٸلەنگەن زات سينتەتيكالىق ەسٸرتكٸ ەكەنٸ انىقتالعان. ونىڭ جالپى سالماعى 570 گراممدى قۇراعان.
الدىن الا مەلٸمەتتەرگە سەيكەس, ۇستالعان ازامات ينتەرنەت ارقىلى جۇمىس ٸستەيتٸن زاڭسىز ەسٸرتكٸ تاراتۋ جەلٸسٸندە قويما قىزمەتٸن اتقارعان بولۋى مٷمكٸن.
اتالعان دەرەك بويىنشا قىلمىستىق ٸس قوزعالدى. كٷدٸكتٸ ۋاقىتشا ۇستاۋ يزولياتورىنا قامالدى.
قازٸرگٸ ۋاقىتتا پوليتسييا قىلمىستىق سحەماعا قاتىسى بولۋى مٷمكٸن ٶزگە تۇلعالاردى جەنە زاڭسىز ارنالاردى انىقتاۋ بويىنشا تەرگەۋ جۇمىستارىن جالعاستىرىپ جاتىر.
