Batys Qazaqstan oblysynda sintetikalyq esirtki taratýmen ainalysty degen kúdikpen 28 jastaǵy Oral qalasynyń turǵyny ustaldy, dep habarlaidy ult.kz.
Oblystyq politsiia departamentiniń málimetinshe, jedel-izdestirý is-sharalary barysynda kúdikti basqarǵan Hyundai avtokóligi toqtatylǵan. Kólikti tekserý kezinde esirtkige uqsas zat salynǵan ondaǵan orama tabylǵan.
Keiin kúdiktiniń turǵylyqty mekenjaiynda júrgizilgen tintý barysynda qosymsha zattai dáleldemeler, onyń ishinde elektrondy tarazy, qaptama materialdary jáne basqa da quraldar tárkilendi.
Saraptama qorytyndysy boiynsha tárkilengen zat sintetikalyq esirtki ekeni anyqtalǵan. Onyń jalpy salmaǵy 570 grammdy quraǵan.
Aldyn ala málimetterge sáikes, ustalǵan azamat internet arqyly jumys isteitin zańsyz esirtki taratý jelisinde qoima qyzmetin atqarǵan bolýy múmkin.
Atalǵan derek boiynsha qylmystyq is qozǵaldy. Kúdikti ýaqytsha ustaý izoliatoryna qamaldy.
Qazirgi ýaqytta politsiia qylmystyq shemaǵa qatysy bolýy múmkin ózge tulǵalardy jáne zańsyz arnalardy anyqtaý boiynsha tergeý jumystaryn jalǵastyryp jatyr.
