فوتو: primeminister.kz
پرەمەر-مينيستر ولجاس بەكتەنوۆ اتىراۋ وبلىسىنا جۇمىس ساپارى اياسىندا جىلىوي اۋدانىنىڭ قۇلسارى قالاسىندا سۋ تاسقىنى سالدارىن جويۋ بارىسى جەنە قالپىنا كەلتٸرۋ جۇمىستارىنىڭ قارقىنى تۋرالى باياندامانى تىڭدادى.
اتىراۋ وبلىسى بويىنشا بارلىعى 1,3 ملرد تەڭگەگە 3652 وتباسى 100 اەك مٶلشەرٸندە بٸرجولعى كٶمەك الدى.
ٶڭٸردە سۋ تاسقىنىنان بارلىعى 2650 ٷي زارداپ شەكتٸ. 1 457 ٷي اپاتتى دەپ تانىلدى, 1 193 ٷي – كٷردەلٸ جٶندەۋگە جاتقىزىلدى.
ٷكٸمەت باسشىسىنا قۇلسارى قالاسىنىڭ «بولاشاق» جاڭا شاعىن اۋدانىندا 100 تۇرعىن ٷي سالۋ بارىسى تۋرالى باياندالدى. بٷگٸنگٸ تاڭدا جۇمىس 72%-عا اياقتالدى: سالىنىپ جاتقان 96 نىساننىڭ ٸرگەتاسى قالاندى, 78 ٷيدٸڭ قابىرعاسى تۇرعىزىلدى, 34-ٸندە تٶبەسٸن جابۋ جۇمىستارى باستالدى. ٷيلەردٸ وسى جىلدىڭ قىركٷيەك ايىنىڭ سوڭىنا دەيٸن پايدالانۋعا بەرۋ جوسپارلانۋدا. شاعىن اۋدانداعى تۇرعىن ٷيلەردەن بٶلەك, 2 مىڭ ورىندى Binom مەكتەبٸ مەن 300 ورىندى بالاباقشا سالىنادى. سونداي-اق جاڭا ٷيلەردٸڭ بولاشاق تۇرعىندارىنىڭ دەمالۋىنا ارنالعان ورىندار جابدىقتالادى.
ٷكٸمەت باسشىسىنىڭ تاپسىرماسى بويىنشا تۇرعىن ٷي قۇرىلىسىنىڭ مەرزٸمٸندە اياقتالۋىن قامتاماسىز ەتۋ ٷشٸن قۇلسارى قالاسى نىساندارىنداعى مەردٸگەر ۇيىمدار سانى 2,5 ەسەگە ۇلعايتىلدى. جٷرگٸزٸلٸپ جاتقان جۇمىستىڭ ساپاسىن باقىلاۋ ماقساتىندا ۋچاسكەلەردە Gov.kz سايتىندا كٶرسەتٸلەتٸن بەينەباقىلاۋ كامەرالارى ورناتىلعان.
"سۋ تاسقىنى سالدارىن جويۋ جەنە بارلىق زارداپ شەككەندەردٸڭ باسپانا مەسەلەسٸن شەشۋ مەملەكەت باسشىسىنىڭ ەرەكشە باقىلاۋىندا. جۇمىستى تەزدەتٸپ, مٷمكٸندٸگٸنشە قىسقا مەرزٸمدە اياقتاۋ كەرەك. قۇرىلىستىڭ بارلىق كەزەڭٸن باقىلاي وتىرىپ, ەر مەردٸگەرمەن جوبالىق نەگٸزدە جۇمىس ٸستەۋ قاجەت. بۇل تۇرعىن ٷيدٸڭ تيٸستٸ ساپاسىن قامتاماسىز ەتۋ ٷشٸن ماڭىزدى", — دەپ ولجاس بەكتەنوۆ, ەكٸمدٸككە قۇرىلىس بارىسىندا ينجەنەرلٸك كوممۋنيكاتسييالار جٷرگٸزۋ مەسەلەسٸن دە شەشۋدٸ ەسكەرتتٸ.
سونىمەن قاتار قۇلسارىدا سۋ تاسقىنى كەزٸندە بٷلٸنگەن اۆتوجولداردى قالپىنا كەلتٸرۋ جۇمىستارى جٷرگٸزٸلٸپ جاتىر. بٷگٸنگٸ تاڭدا جوسپارلانعان 12,1 شاقىرىمنىڭ 4,9 شاقىرىمى جٶندەلدٸ. سونداي-اق سۋ تاسقىنى كەزٸندە زارداپ شەككەن 215 بيزنەس سۋبەكتٸسٸنە ٶتەماقى تٶلەندٸ. 1614 شارۋا قوجالىعىنا مال مەن ٷي قۇستارىنا كەلتٸرٸلگەن شىعىن ٶتەلدٸ.
ٶز كەزەگٸندە, ٷكٸمەت باسشىسىنا وقۋ-اعارتۋ بٸرٸنشٸ ۆيتسە-مينيسترٸ ناتاليا جۇمادٸلداەۆا سۋ تاسقىنىنان زارداپ شەككەن ەلدٸ مەكەندەر بالالارىنىڭ جازعى دەمالىسىن ۇيىمداستىرۋ جٶنٸندەگٸ تاپسىرمانىڭ ورىندالۋ بارىسى تۋرالى باياندادى. بٷگٸنگٸ تاڭدا قايىرىمدىلىق ۇيىمدارىمەن بٸرلەسە وتىرىپ, 2 738 وقۋشى جازعى دەمالىسپەن قامتىلعان. بالالار وقۋ-ساۋىقتىرۋ ورتالىقتارى مەن لاگەرلەرگە جٸبەرٸلٸدە, سونداي-اق «تۋعان ەلگە ساياحات» جوباسى اياسىندا ەلٸمٸزدٸڭ مەدەني-تاريحي ورىندارىنا ساياحاتتاۋدا.
پرەمەر-مينيستر مٷددەلٸ مينيسترلٸكتەر مەن ٶڭٸر ەكٸمدٸگٸنە دەنساۋلىق ساقتاۋ جەنە بٸلٸم بەرۋ ەلەۋمەتتٸك نىساندارى – مەكتەپتەر, كوللەدجدەر, بالاباقشالار جەنە باسقا دا نىساندار سالۋ جەنە قالپىنا كەلتٸرۋ جۇمىستارىن ەرەكشە باقىلاۋدا ۇستاۋدى تاپسىردى.
