شىمكەنت قالاسىنان وتباسىمەن بٸرگە سولتٷستٸك قازاقستان وبلىسىنا كٶشٸپ بارا جاتقان ايشاگٷل كٷزەتباەۆا. شىمكەنت, 30 سەۋٸر 2017 جىل.
وڭتٷستٸك قازاقستان وبلىسىنىڭ سايرام, قازىعۇرت, سارىاعاش, ماقتارال اۋداندارى جەنە شىمكەنت قالاسىنان جيىنى 37 وتباسىدان تۇراتىن كٶش سەۋٸردٸڭ 30-ى كٷنٸ سولتٷستٸك قازاقستان وبلىسىنا اتتاندى. ولار شىمكەنت قالاسى مەن سارىاعاش اۋدانىنان ەكٸ اۆتوبۋسپەن جولعا شىقتى.
شىمكەنت قالاسىنىڭ تۇرعىنى ايشاگٷل كٷزەتباەۆا تٶرت بالاسىمەن بٸرگە سولتٷستٸك قازاقستان وبلىسى ماعجان جۇماباەۆ اۋدانىنا قونىس اۋدارىپ بارادى.
- بٸر اپتا بۇرىن كٶشەتٸن جەرٸمٸزدٸ كٶرٸپ كەلدٸك. كٷيەۋٸم قازٸر سول جاقتا, ول كٶلٸك جٷرگٸزۋشٸسٸ, ٶزٸم تٸگٸنشٸمٸن. جاڭا قونىستا مال شارۋاشىلىعىمەن اينالىسساق دەيمٸز, - دەيدٸ ول.
وڭتٷستٸك قازاقستان وبلىستىق جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار باسقارماسىنىڭ بٶلٸم باستىعى نۇرجان نۇراشوۆ ٶزگە وبلىسقا كٶشٸپ بارعان وتباسىلارىنا مەملەكەت ەسەبٸنەن بٸر جولعى جەردەم بەرٸلەتٸنٸن ايتادى.
- بيىل قونىس اۋدارعان وتباسىنىڭ ەر مٷشەسٸنە 35 ايلىق ەسەپتٸك كٶرسەتكٸش مٶلشەرٸندە, ياعني 79 مىڭ تەڭگە بٸر رەتتٸك كٶمەك بەرٸلەدٸ. بٸر جىلعا دەيٸن تۇراتىن ٷيدٸڭ جالداۋ اقىسى مەن كوممۋنالدىق تٶلەمدەرٸ ٶتەلەدٸ, - دەيدٸ ول.
شەنەۋنٸكتٸڭ سٶزٸنشە, بٸر رەتتٸك كٶمەك العان ەربٸر ازامات كٶشٸپ بارعان جەرٸندە 6 ايعا دەيٸن تۇرۋعا مٸندەتتٸ. «ەگەر جارتى جىلعان جەتپەي ول جاقتان قايتىپ كەلەتٸن بولسا, مەملەكەتتەن العان كٶمەكتٸ كەرٸ قايتارادى» دەيدٸ ول. نۇرجان نۇراشوۆ بيىل وڭتٷستٸك قازاقستان وبلىسىنان 680 وتباسى باسقا ايماقتارعا كٶشٸپ بارۋعا نيەت بٸلدٸرگەن.
وڭتٷستٸك قازاقستان وبلىستىق جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار باسقارماسىنىڭ مەلٸمەتٸ بويىنشا, ٶتكەن جىلى وبلىستان 146 وتباسى نەمەسە 572 ادام قازاقستاننىڭ ٶزگە ٶڭٸرلەرٸنە قونىس اۋدارعان. ونىڭ ٸشٸندە 125 وتباسى سولتٷستٸك قازاقستان وبلىسىنا, قالعاندارى قوستاناي جەنە شىعىس قازاقستان وبلىستارىنا كٶشٸپ بارعان.
