«قازاقستان» تەلەراديوكورپوراتسيياسى جۋرناليست, تەلەجٷرگٸزۋشٸ نۇرتٸلەۋ يمانعاليۇلى اتىنداعى ستيپەندييا يەگەرلەرٸن ماراپاتتادى.
بايقاۋ ەلٸمٸزدەگٸ جوعارى وقۋ ورىندارىنىڭ جۋرناليستيكا فاكۋلتەتٸنٸڭ ستۋدەنتتەرٸ اراسىندا ەكٸ اي كٶلەمٸندە جٷرگٸزٸلدٸ. كورپوراتسييانىڭ وقۋ گرانتى ن.يمانعاليۇلىنىڭ تەلەۆيزيياداعى تۇلعاسى جايلى ٷزدٸك بەينەماتەريال ۇسىنعان ٷش ستۋدەنتكە تابىستالدى.
باسقارما تٶرايىمى لەززات تانىسباي بايقاۋدىڭ ماقساتى – قازاق تەلەۆيزيياسى قالىپتاسا باستاعان ۋاقىتتان تەلەەفيردەگٸ بەينەسٸمەن تۇتاس بۋىنعا ٷلگٸ بولعان نۇرتٸلەۋ يمانعاليۇلىنىڭ ەسٸمٸ مەن شىعارماشىلىعىن ناسيحاتتاۋ, ٸزباسارلارىنا قولداۋ كٶرسەتۋ ەكەنٸن اتاپ ٶتتٸ.
«وقۋ گرانتى باستاپقىدا ەكٸ ستۋدەنتكە بەلگٸلەنگەن. كەلٸپ تٷسكەن جۇمىستار اراسىندا نۇرتٸلەۋ يمانعاليۇلىنىڭ شىعارماشىلىعىن, تەلەجٷرگٸزۋشٸ, تۇلعا رەتٸندەگٸ ەرەكشەلٸكتەرٸن ٶزگەشە قىرىنان اشىپ كٶرسەتكەن ستۋدەنتتەر بولدى. بەينەماتەريالداردى قاراستىرا وتىرىپ, تاعى بٸر ٷمٸتكەردٸڭ جۇمىسىن ٷزدٸك دەپ تانىپ, قوسىمشا گرانت بەرۋ تۋرالى شەشٸم قابىلدادىق», - دەدٸ ل.تانىسباي.
تەلەراديوكورپوراتسييا قىزمەتكەرلەرٸنەن قۇرىلعان ارنايى كوميسسييانىڭ شەشٸمٸمەن الماتى قالاسىنداعى حالىقارالىق اقپاراتتىق تەحنولوگييالار ۋنيۆەرسيتەتٸنٸڭ 3 كۋرس ستۋدەنتٸ اڭساعان عالالادين, م.ەۋەزوۆ اتىنداعى وڭتٷستٸك قازاقستان ۋنيۆەرسيتەتٸنٸڭ 2 كۋرس ستۋدەنتٸ قانات جولداسبەكوۆ, س.امانجولوۆ اتىنداعى شىعىس قازاقستان ۋنيۆەرسيتەتٸنٸڭ 4 كۋرس ستۋدەنتٸ كٷمٸسجان يسان نۇرتٸلەۋ يمانعاليۇلى اتىنداعى وقۋ گرانتىنىڭ يەگەرٸ اتاندى.
50 مىڭ تەڭگە كٶلەمٸندەگٸ ايسايىنعى ستيپەندييا ستۋدەنتتەرگە 1 وقۋ جىلىنا تٶلەنەدٸ.
