«Qazaqstan» teleradiokorporatsiiasy jýrnalist, telejúrgizýshi Nurtileý Imanǵaliuly atyndaǵy stipendiia iegerlerin marapattady.
Baiqaý elimizdegi joǵary oqý oryndarynyń jýrnalistika fakýltetiniń stýdentteri arasynda eki ai kóleminde júrgizildi. Korporatsiianyń oqý granty N.Imanǵaliulynyń televiziiadaǵy tulǵasy jaily úzdik beinematerial usynǵan úsh stýdentke tabystaldy.
Basqarma tóraiymy Lázzat Tanysbai baiqaýdyń maqsaty – Qazaq televiziiasy qalyptasa bastaǵan ýaqyttan teleefirdegi beinesimen tutas býynǵa úlgi bolǵan Nurtileý Imanǵaliulynyń esimi men shyǵarmashylyǵyn nasihattaý, izbasarlaryna qoldaý kórsetý ekenin atap ótti.
«Oqý granty bastapqyda eki stýdentke belgilengen. Kelip túsken jumystar arasynda Nurtileý Imanǵaliulynyń shyǵarmashylyǵyn, telejúrgizýshi, tulǵa retindegi erekshelikterin ózgeshe qyrynan ashyp kórsetken stýdentter boldy. Beinematerialdardy qarastyra otyryp, taǵy bir úmitkerdiń jumysyn úzdik dep tanyp, qosymsha grant berý týraly sheshim qabyldadyq», - dedi L.Tanysbai.
Teleradiokorporatsiia qyzmetkerlerinen qurylǵan arnaiy komissiianyń sheshimimen Almaty qalasyndaǵy Halyqaralyq aqparattyq tehnologiialar ýniversitetiniń 3 kýrs stýdenti Ańsaǵan Ǵalaladin, M.Áýezov atyndaǵy Ońtústik Qazaqstan ýniversitetiniń 2 kýrs stýdenti Qanat Joldasbekov, S.Amanjolov atyndaǵy Shyǵys Qazaqstan ýniversitetiniń 4 kýrs stýdenti Kúmisjan Isan Nurtileý Imanǵaliuly atyndaǵy oqý grantynyń iegeri atandy.
50 myń teńge kólemindegi aisaiynǵy stipendiia stýdentterge 1 oqý jylyna tólenedi.
