مەجٸلٸس تٶراعاسى نۇرلان نىعماتۋلين مەن تٷركييا ۇلى ۇلتتىق جينالىسىنىڭ تٶراعاسى بينالي يىلدىرىم انتاليياداعى ەۋرازييا ەلدەرٸ پارلامەنتتەرٸ سپيكەرلەرٸنٸڭ ٷشٸنشٸ جينالىسى اياسىندا پارلامەنتارالىق ىنتىماقتاستىقتى ودان ەرٸ ىنتالاندىرۋ جايىن تالقىلادى, دەپ حابارلايدى تٶمەنگٸ پالاتانىڭ باسپاسٶز قىزمەتٸ.
كەزدەسۋدە ەكٸ ەل كٶشباسشىلارى نۇرسۇلتان نازارباەۆ پەن رەجەپ تايىپ ەردوعاننىڭ ٶزارا تٷسٸنٸستٸككە نەگٸزدەلگەن بٸرلەسكەن تيٸمدٸ جۇمىسىنىڭ ارقاسىندا قازاقستان مەن تٷركييا كٶپقىرلى ەرٸپتەستٸكتٸ نىعايتۋدا جوعارى نەتيجەلەرگە قول جەتكٸزگەنٸن اتاپ ٶتتٸ.
بٷگٸنگٸ تاڭدا ەكٸ ەل اراسىنداعى قارقىندى ساياسي ديالوگ پەن تەرەڭ ەكونوميكالىق بايلانىستار ورناتىلىپ, ٶزارا ٸس-قيمىل ىنتىماقتاستىقتىڭ بارلىق سالالارىندا تيٸمدٸ دامىپ كەلەدٸ.
مەجٸلٸس تٶراعاسىنىڭ پٸكٸرٸنشە, قازاقستان مەن تٷركييا ەلدەرٸنٸڭ قارىم-قاتىناسىنا 2017 جىلدىڭ قىركٷيەك ايىنداعى تٷركييا پرەزيدەنتٸنٸڭ قازاقستانعا رەسمي ساپارى جەنە قازاقستان پرەزيدەنتٸنٸڭ وسى جىلدىڭ قىركٷيەك ايىنداعى تٷركيياعا رەسمي ساپارى ەلدەر اراسىنداعى بايلانىستىڭ نىعايۋىنا تىڭ سەرپٸن بەردٸ.
كەزدەسۋدە مەملەكەت باسشىسى نۇرسۇلتان نازارباەۆتىڭ 5 قازانداعى قازاقستان حالقىنا جولداۋىندا ايتىلعان نەگٸزگٸ باعىتتاردى اتاپ ٶتكەن مەجٸلٸس تٶراعاسى, كٶلٸك جەنە لوگيستيكا, تۋريزم جەنە اۋىل شارۋاشىلىعى سالالارى ەكٸجاقتى ىقپالداستىقتىڭ باسىم باعىتتارى بولا الاتىنىنا توقتالدى.
نۇرلان نىعماتۋلين مەن بينالي يىلدىرىم پارلامەنتارالىق بايلانىستىڭ نىعايۋى استانا مەن انكارانىڭ ٶزارا جان-جاقتى تيٸمدٸ ىنتىماقتاستىعىن دامىتۋعا ىقپال ەتەتٸنٸنە سەنٸم بٸلدٸردٸ.
