Májilis Tóraǵasy Nurlan Nyǵmatýlin men Túrkiia Uly Ulttyq Jinalysynyń Tóraǵasy Binali Iyldyrym Antaliiadaǵy Eýraziia elderi parlamentteri spikerleriniń úshinshi jinalysy aiasynda parlamentaralyq yntymaqtastyqty odan ári yntalandyrý jaiyn talqylady, dep habarlaidy tómengi palatanyń baspasóz qyzmeti.
Kezdesýde eki el kóshbasshylary Nursultan Nazarbaev pen Rejep Taiyp Erdoǵannyń ózara túsinistikke negizdelgen birlesken tiimdi jumysynyń arqasynda Qazaqstan men Túrkiia kópqyrly áriptestikti nyǵaitýda joǵary nátijelerge qol jetkizgenin atap ótti.
Búgingi tańda eki el arasyndaǵy qarqyndy saiasi dialog pen tereń ekonomikalyq bailanystar ornatylyp, ózara is-qimyl yntymaqtastyqtyń barlyq salalarynda tiimdi damyp keledi.
Májilis Tóraǵasynyń pikirinshe, Qazaqstan men Túrkiia elderiniń qarym-qatynasyna 2017 jyldyń qyrkúiek aiyndaǵy Túrkiia Prezidentiniń Qazaqstanǵa resmi sapary jáne Qazaqstan Prezidentiniń osy jyldyń qyrkúiek aiyndaǵy Túrkiiaǵa resmi sapary elder arasyndaǵy bailanystyń nyǵaiýyna tyń serpin berdi.
Kezdesýde Memleket Basshysy Nursultan Nazarbaevtyń 5 qazandaǵy Qazaqstan halqyna Joldaýynda aitylǵan negizgi baǵyttardy atap ótken Májilis Tóraǵasy, kólik jáne logistika, týrizm jáne aýyl sharýashylyǵy salalary ekijaqty yqpaldastyqtyń basym baǵyttary bola alatynyna toqtaldy.
Nurlan Nyǵmatýlin men Binali Iyldyrym parlamentaralyq bailanystyń nyǵaiýy Astana men Ankaranyń ózara jan-jaqty tiimdi yntymaqtastyǵyn damytýǵa yqpal etetinine senim bildirdi.
