قر پرەزيدەنتتٸگٸنە جالپىۇلتتىق سوتسيال-دەموكراتييالىق پارتيياسى اتىنان كانديدات نۇرلان ەۋەسباەۆ 15 قاراشادا اقتاۋداعى اباي اتىنداعى مەدەنيەت سارايىندا سايلاۋشىلارمەن كەزدەسۋ ٶتكٸزدٸ, دەپ حابارلايدى "ۇلت اقپارات" جسدپ باسپاسٶز قىزمەتٸنە سٸلتەمە جاساپ.
ٸس-شارا بارىسىندا كانديدات جينالعان قاۋىمعا ٶزٸنٸڭ سايلاۋالدى باعدارلاماسىنىڭ باسىم باعىتتارى جٶنٸندە بايانداپ بەردٸ.
ٶز سٶزٸندە نۇرلان ەۋەسباەۆ باتىس ٶڭٸرلەردە ينفراقۇرىلىم مەسەلەلەرٸنٸڭ كٶپتٸگٸن اتاپ ٶتتٸ. دەسە دە, جەرگٸلٸكتٸ بيلٸك جاعدايدى تٷزەتۋگە اسىعار ەمەس.
جسدپ-دان كانديداتتىڭ پٸكٸرٸنشە, مەملەكەتتٸ باسقارۋ ٷلگٸسٸن پرەزيدەنتتٸك بيلٸكتەن پارلامەنتتٸك-پرەزيدەنتتٸك بيلٸككە اۋىستىرۋ ارقىلى عانا بۇل تىعىرىقتان شىعۋعا بولادى.
بۇدان بٶلەك نۇرلان ەۋەسباەۆ ٶزٸنٸڭ سايلاۋالدى باعدارلاماسىندا مۇناي-گاز سەكتورىنىڭ ٸرٸ كەسٸپورىندارىن ۇلتتاندىرۋدى ۇسىنادى. تەك وسىنداي ناقتى قادامدار ارقىلى عانا ەلٸمٸزدەگٸ جۇمىسشىلاردىڭ ەڭبەك شارتتارىن جاقسارتۋعا بولادى.
سونىمەن بٸرگە نۇرلان ەۋەسباەۆتىڭ سايلاۋالدى باعدارلاماسىندا قازاقستاندىقتاردىڭ ٶمٸر ساپاسىنىڭ ستاندارتىن ەنگٸزۋ ۇسىنىلادى. ستاندارتتا ازاماتتارىمىزدىڭ ساپالى تاماقتانۋىنان باستاپ, دەمالىسىنا دەيٸنگٸ بارلىق قاجەتتٸلٸكتەرٸ قاراستىرىلۋى قاجەت.
