QR Prezidenttigine Jalpyulttyq sotsial-demokratiialyq partiiasy atynan kandidat Nurlan Áýesbaev 15 qarashada Aqtaýdaǵy Abai atyndaǵy Mádeniet saraiynda sailaýshylarmen kezdesý ótkizdi, dep habarlaidy "Ult aqparat" JSDP baspasóz qyzmetine silteme jasap.
Is-shara barysynda kandidat jinalǵan qaýymǵa óziniń sailaýaldy baǵdarlamasynyń basym baǵyttary jóninde baiandap berdi.
Óz sózinde Nurlan Áýesbaev batys óńirlerde infraqurylym máseleleriniń kóptigin atap ótti. Dese de, jergilikti bilik jaǵdaidy túzetýge asyǵar emes.
JSDP-dan kandidattyń pikirinshe, memleketti basqarý úlgisin prezidenttik bilikten parlamenttik-prezidenttik bilikke aýystyrý arqyly ǵana bul tyǵyryqtan shyǵýǵa bolady.
Budan bólek Nurlan Áýesbaev óziniń sailaýaldy baǵdarlamasynda munai-gaz sektorynyń iri kásiporyndaryn ulttandyrýdy usynady. Tek osyndai naqty qadamdar arqyly ǵana elimizdegi jumysshylardyń eńbek sharttaryn jaqsartýǵa bolady.
Sonymen birge Nurlan Áýesbaevtyń sailaýaldy baǵdarlamasynda qazaqstandyqtardyń ómir sapasynyń Standartyn engizý usynylady. Standartta azamattarymyzdyń sapaly tamaqtanýynan bastap, demalysyna deiingi barlyq qajettilikteri qarastyrylýy qajet.
