ۆيدەودان الىنعان كادر
زامانبەك نۇرقادٸلوۆتٸڭ بٸرٸنشٸ ەيەلٸ نۇربيكە نۇرقادٸلوۆا "ۋاقىت كٶرسەتەدٸ" باعدارلاماسىندا سۇحبات بەرٸپ, مارقۇم جولداسى جايلى, بٸرگە ٶمٸر سٷرگەن جىلدارداعى وتباسىلىق ٶمٸرلەرٸ تۋرالى ايتتى. ول زامانبەك نۇرقادٸلوۆ تۇڭعىش پرەزيدەنت نۇرسۇلتان نازارباەۆپەن قانداي قارىم-قاتىناستا بولعانىن دا جاسىرمادى, - دەپ حابارلايدى Massaget.kz پورتالى.
نۇربيكە نۇرقادٸلوۆا نۇرسۇلتان نازارباەۆپەن دە, جۇبايى سارا نازارباەۆامەن دە جاقسى ارالاسقاندارىن جەتكٸزدٸ.
"نۇرەكەڭمەن دە, سارا اپايمەن دە شاي ٸشٸپ جٷردٸك. جاقسى ارالاساتىنبىز. پارادتان كٶرەمٸز. سودان كەيٸن مەدەۋ جاقتاعى ستاديوندا جارىستار بولادى. سول جەرگە بارادى. ناۋرىز كەزدەرٸندە شاي ٸشكەن سۋرەتتەرٸمٸز بار. سٶيتٸپ ارالاسىپ جٷردٸك. نۇرەكەڭ زەكەڭدٸ ٶتە سىيلايتىن. بٸز دە ول كٸسٸلەردٸ قاتتى سىيلادىق. اۋرۋحاناعا بارامىز. سوندا بٸر كابينەتكە سارا اپا, مەن بارامىن. زۋحرا اپالار بارادى. بٸزدٸ دەرٸگەرلەر شاقىرىپ, "اۋرۋى جوق پا" دەپ ٶتكٸزٸپ تۇراتىن. سول جەردە دە امانداسىپ جٷرەتٸنبٸز. سەلەمٸمٸز دۇرىس بولدى", - دەدٸ ول.
مارقۇم قوعام قايراتكەرٸنٸڭ بٸرٸنشٸ ەيەلٸ نۇربيكە نۇرقادٸلوۆا سارا نازارباەۆامەن ولار استاناعا كٶشكەنشە ارالاسقانىن ايتتى.
"ول كٸسٸگە باعا بەرە المايمىن. بارلىعى - بۇيرىق. قىزدارى بار, بالالارى بار. "پرەزيدەنتتٸڭ ەيەلٸنە جارامايدى" دەۋگە بولمايدى عوي. ول - ماعان ٶتە كٷنە. جاقسى جاقتارىن عانا ايتا الامىن. باسقا مٸنەز-قۇلىقتارىن كٶرگەن جوقپىن. مەدەۋ جاقتا باسىمىزعا سۋ قۇيدىق. شىنىعىپ جٷردٸك. تٶبەمٸزدەن مۇزداي سۋ قۇيىپ جٷردٸك. ونى سارا نازارباەۆا باستاعان. ول كٸسٸلەر استاناعا كەتكەنشە ارالاستىق. ...ولار بٸزدٸڭ ٷيگە كەلمەدٸ. ناۋرىزدا كەزدەسكەن كەزدە بٸر جەردەن شاي ٸشٸپ جٷردٸك. سوسىن ول كٸسٸ پرەزيدەنتتٸككە سايلانعان كەزدە تاۋ جاقتاعى رەزيدەنتسيياسىنا باردىق. مينيسترلەر كەلدٸ, دەپۋتاتتار وتىردى. شاي ٸشتٸك. پرەزيدەنت بولماي تۇرعاندا ونشا قاتىناسقان جوقپىز. پرەزيدەنت بولعاننان كەيٸن قاتىناسقان. زەكەڭ ەكٸم بولعاننان كەيٸن قاتىناستىق", - دەدٸ ول.
