videodan alynǵan kadr
Zamanbek Nurqadilovtiń birinshi áieli Nurbike Nurqadilova "Ýaqyt kórsetedi" baǵdarlamasynda suhbat berip, marqum joldasy jaily, birge ómir súrgen jyldardaǵy otbasylyq ómirleri týraly aitty. Ol Zamanbek Nurqadilov Tuńǵysh Prezident Nursultan Nazarbaevpen qandai qarym-qatynasta bolǵanyn da jasyrmady, - dep habarlaidy Massaget.kz portaly.
Nurbike Nurqadilova Nursultan Nazarbaevpen de, jubaiy Sara Nazarbaevamen de jaqsy aralasqandaryn jetkizdi.
"Nurekeńmen de, Sara apaimen de shai iship júrdik. Jaqsy aralasatynbyz. Paradtan kóremiz. Sodan keiin Medeý jaqtaǵy stadionda jarystar bolady. Sol jerge barady. Naýryz kezderinde shai ishken sýretterimiz bar. Sóitip aralasyp júrdik. Nurekeń Zákeńdi óte syilaityn. Biz de ol kisilerdi qatty syiladyq. Aýrýhanaǵa baramyz. Sonda bir kabinetke Sara apa, men baramyn. Zýhra apalar barady. Bizdi dárigerler shaqyryp, "aýrýy joq pa" dep ótkizip turatyn. Sol jerde de amandasyp júretinbiz. Sálemimiz durys boldy", - dedi ol.
Marqum qoǵam qairatkeriniń birinshi áieli Nurbike Nurqadilova Sara Nazarbaevamen olar Astanaǵa kóshkenshe aralasqanyn aitty.
"Ol kisige baǵa bere almaimyn. Barlyǵy - buiryq. Qyzdary bar, balalary bar. "Prezidenttiń áieline jaramaidy" deýge bolmaidy ǵoi. Ol - maǵan óte kúná. Jaqsy jaqtaryn ǵana aita alamyn. Basqa minez-qulyqtaryn kórgen joqpyn. Medeý jaqta basymyzǵa sý quidyq. Shynyǵyp júrdik. Tóbemizden muzdai sý quiyp júrdik. Ony Sara Nazarbaeva bastaǵan. Ol kisiler Astanaǵa ketkenshe aralastyq. ...Olar bizdiń úige kelmedi. Naýryzda kezdesken kezde bir jerden shai iship júrdik. Sosyn ol kisi Prezidenttikke sailanǵan kezde taý jaqtaǵy Rezidentsiiasyna bardyq. Ministrler keldi, depýtattar otyrdy. Shai ishtik. Prezident bolmai turǵanda onsha qatynasqan joqpyz. Prezident bolǵannan keiin qatynasqan. Zákeń ákim bolǵannan keiin qatynastyq", - dedi ol.
