نۇرسۇلتان نازارباەۆ ۇلتتىق بانكتٸڭ جۇمىس قورىتىندىسىن تالقىلاۋ كەزٸندە ٷكٸمەت پەن ەكٸنشٸ دەڭگەيلٸ بانكتەرگە قازاقستاندىقتاردى ماسىلدىق ەدەتٸنەن ارىلتۋدى تاپسىردى, - دەپ حابارلايدى kaz.tengrinews.kz.
"قايتا قارجىلاندىرۋ باعدارلامالارىنا 130 ميلليارد تەڭگە جۇمسايتىنبىز. قازٸر 21 مىڭ ادال ەمەس قارىز الۋشى بار. 19,5 مىڭ ادامعا قارىز تٶلەۋ جەڭٸلدەتٸلدٸ", - دەيدٸ نازارباەۆ.
قر ۇلتتىق بانك باسشىسى دانييار اقىشەۆ وسى مەسەلەگە قاتىستى ٶز ويىن ايتتى.
"نۇرسۇلتان ەبٸشۇلى, بۇل مەسەلە بويىنشا ەكٸ پٸكٸر بار. بٸرٸنشٸسٸ - كٶمەكتەسۋ كەرەك. ەكٸنشٸسٸ - كٶمەكتەسۋ ارقىلى ماسىلدىققا ٷيرەتەمٸز", - دەيدٸ ول.
"نەگٸزٸ كرەديت تٶلەمەۋ بۇل قىلمىستىق جاۋاپكەرشٸلٸككە ەكەلەدٸ. بٸزدە مۇنى ەشكٸم تٷسٸنبەيدٸ. تٶلەي الماساڭ, كرەديت الما. الدىڭ با, قايتارۋ كەرەك. ەركٸم ٶز ٸسٸنە جاۋاپتى بولۋ كەرەك. ەشكٸم يپوتەكالىق كرەديت ال دەپ زورلاعان جوق. مەملەكەتكە قارجى قۇياتىن سالا جەتەرلٸك, وسى حالىق ٷشٸن, ەكونوميكانى دامىتۋعا, يندۋسترياليزاتسيياعا. سوندىقتان مۇنى قاتاڭداتۋ قاجەت, تەكسەرۋ كەرەك. ەكٸنشٸ دەڭگەيلٸ بانكتەر, ادامداردى ماسىلدىق ەدەتٸنەن ارىلتىڭدار. ٷكٸمەتكە دە وسى تاپسىرما", - دەدٸ ەلباسى.
