Nursultan Nazarbaev Ulttyq banktiń jumys qorytyndysyn talqylaý kezinde úkimet pen ekinshi deńgeili bankterge qazaqstandyqtardy masyldyq ádetinen aryltýdy tapsyrdy, - dep habarlaidy kaz.tengrinews.kz.
"Qaita qarjylandyrý baǵdarlamalaryna 130 milliard teńge jumsaitynbyz. Qazir 21 myń adal emes qaryz alýshy bar. 19,5 myń adamǵa qaryz tóleý jeńildetildi", - deidi Nazarbaev.
QR Ulttyq bank basshysy Daniiar Aqyshev osy máselege qatysty óz oiyn aitty.
"Nursultan Ábishuly, bul másele boiynsha eki pikir bar. Birinshisi - kómektesý kerek. Ekinshisi - kómektesý arqyly masyldyqqa úiretemiz", - deidi ol.
"Negizi kredit tólemeý bul qylmystyq jaýapkershilikke ákeledi. Bizde muny eshkim túsinbeidi. Tólei almasań, kredit alma. Aldyń ba, qaitarý kerek. Árkim óz isine jaýapty bolý kerek. Eshkim ipotekalyq kredit al dep zorlaǵan joq. Memleketke qarjy quiatyn sala jeterlik, osy halyq úshin, ekonomikany damytýǵa, indýstrializatsiiaǵa. Sondyqtan muny qatańdatý qajet, tekserý kerek. Ekinshi deńgeili bankter, adamdardy masyldyq ádetinen aryltyńdar. Úkimetke de osy tapsyrma", - dedi Elbasy.
