مەملەكەت باسشىسى نۇرسۇلتان نازارباەۆ پەن رەسەي پرەزيدەنتٸ ۆلاديمير پۋتين "بەيتەرەك" عارىش كەشەنٸنٸڭ جوباسىمەن تانىسادى.
جوبانىڭ تانىستىرىلىمى قازاقستان مەن رەسەيدٸڭ ٶڭٸرارالىق ىنتىماقتاستىعى فورۋمى اياسىندا تانىستىرىلادى, دەپ حابارلايدى ريا نوۆوستي رەسەي فەدەراتسيياسى پرەزيدەنتٸنٸڭ كٶمەكشٸسٸ يۋريي ۋشاكوۆقا سٸلتەمە جاساپ.
"پلەنارلىق وتىرىستىڭ الدىندا بٸزدٸڭ پرەزيدەنت پەن نازارباەۆ بٶلەك كەزدەسۋ ٶتكٸزەدٸ. سونىمەن بٸرگە رەسەيلٸك-قازاقستاندىق "بەيتەرەك" عارىش راكەتا كەشەنٸنٸڭ تانىستىرىلىمى ٶتەدٸ", — دەدٸ ۋشاكوۆ.
سونداي-اق, ەكٸ ەلدٸڭ پرەزيدەنتٸ قازاقستان مەن رەسەي ٶڭٸرلەرٸنٸڭ تۋريستٸك كٶرمەسٸنە قاتىسادى.
بۇدان بٶلەك, ريا نوۆوستي دەرەككٶزگە سٸلتەمە جاساي وتىرىپ, قازاقستاندا يل-103 جەڭٸل كٶپماقساتتى ۇشاعىنىڭ جاڭعىرتىلعان نۇقساسىنىڭ ٶندٸرٸسٸن ٸسكە قوسۋ جوسپارلانىپ وتىرعانىن حابارلايدى. تيٸستٸ كەلٸسٸمگە ٶڭٸرارالىق ىنتىماقتاستىق فورۋمىندا قول قويىلادى.
ەسكە سالا كەتەيٸك, 8 قاراشادا پۋتين قازاقستانعا كەلەدٸ, ول استانادا ٶتەتٸن ۇقشۇ سامميتٸنە جەنە قازاقستان مەن رەسەيدٸڭ XV ٶڭٸرارالىق ىنتىماقتاستىعى فورۋمىنا قاتىسادى. مەملەكەت باسشىلارىنىڭ قاتىسۋىمەن ٶتەتٸن فورۋمدا 30 ٷكٸمەتارالىق جەنە ٶڭٸرارالىق قۇجاتقا قول قويىلادى دەپ جوسپارلانىپ وتىر.
