Memleket basshysy Nursultan Nazarbaev pen Resei prezidenti Vladimir Pýtin "Báiterek" ǵarysh kesheniniń jobasymen tanysady.
Jobanyń tanystyrylymy Qazaqstan men Reseidiń óńiraralyq yntymaqtastyǵy forýmy aiasynda tanystyrylady, dep habarlaidy RIA Novosti Resei Federatsiiasy prezidentiniń kómekshisi Iýrii Ýshakovqa silteme jasap.
"Plenarlyq otyrystyń aldynda bizdiń prezident pen Nazarbaev bólek kezdesý ótkizedi. Sonymen birge reseilik-qazaqstandyq "Báiterek" ǵarysh raketa kesheniniń tanystyrylymy ótedi", — dedi Ýshakov.
Sondai-aq, eki eldiń prezidenti Qazaqstan men Resei óńirleriniń týristik kórmesine qatysady.
Budan bólek, RIA Novosti derekkózge silteme jasai otyryp, Qazaqstanda Il-103 jeńil kópmaqsatty ushaǵynyń jańǵyrtylǵan nuqsasynyń óndirisin iske qosý josparlanyp otyrǵanyn habarlaidy. Tiisti kelisimge óńiraralyq yntymaqtastyq forýmynda qol qoiylady.
Eske sala keteiik, 8 qarashada Pýtin Qazaqstanǵa keledi, ol Astanada ótetin UQShU sammitine jáne Qazaqstan men Reseidiń XV óńiraralyq yntymaqtastyǵy forýmyna qatysady. Memleket basshylarynyń qatysýymen ótetin forýmda 30 úkimetaralyq jáne óńiraralyq qujatqa qol qoiylady dep josparlanyp otyr.
