قازاقستان پرەزيدەنتٸ ەلٸمٸزگە ساپارمەن كەلٸپ, «ەكسپو-2017» حالىقارالىق كٶرمەسٸندە يسپانييا پاۆيلونىنىڭ اشىلۋىنا قاتىسقانى ٷشٸن ا.پاستورعا العىس ايتتى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
– كٶرمەمٸزدٸڭ اشىلۋ سالتاناتىنا 17 شەت مەملەكەتتەر جەنە ٷكٸمەتتەر باسشىلارىمەن بٸرگە, يسپانييا كورولٸ VI فەليپە دە قاتىسقان بولاتىن. بٸز وسى ٸس-شارا اياسىندا جٷزدەستٸك. اسا مەرتەبەلٸ يسپانييا كورولٸ قازاقستانعا قىزىعۋشىلىق تانىتىپ, بٸرقاتار ٸسكەرلٸك كەزدەسۋ ٶتكٸزدٸ, – دەدٸ مەملەكەت باسشىسى.
نۇرسۇلتان نازارباەۆ ەلدەرٸمٸز اراسىندا ەكٸجاقتى دوستىق قارىم-قاتىناس ورناعانىن, ەكونوميكا مەن ساياساتتاعى بايلانىستارىمىز جەمٸستٸ دامىپ كەلە جاتقانىن ايتىپ, حالىقارالىق كٷن تەرتٸبٸندەگٸ مەسەلەلەر بويىنشا ۇستانىمدارىمىز ۇقساس ەكەنٸنە توقتالدى.
– قازاقستانعا ساپارى كەزٸندە اسا مەرتەبەلٸ يسپانييا كورولٸمەن بٸرگە يسپانييانىڭ ٸسكەر توپتار ٶكٸلدەرٸ مەن ٷكٸمەت مٷشەلەرٸ كەلدٸ. ولار قازاقستانداعى ەرٸپتەستەرٸمەن جەمٸستٸ كەلٸسسٶزدەر ٶتكٸزدٸ, – دەدٸ قازاقستان پرەزيدەنتٸ.
مەملەكەت باسشىسى يسپانييا كورولٸ Vٸ فەليپە مەن ٷكٸمەتٸنە جوعارى ماراپاتى ٷشٸن جىلى لەبٸزٸن بٸلدٸرٸپ, كورول ٸ حۋان كارلوس پەن ونىڭ جۇبايى سوفييا پاتشايىمعا اماندىق جەنە تابىس تٸلەدٸ.
يسپانييا كورولدٸگٸ دەپۋتاتتار كونگرەسٸنٸڭ تٶرايىمى مەملەكەتتەرٸمٸز اراسىندا دوستىق قارىم-قاتىناس ورناعانىن ايتىپ, يسپانييا دەلەگاتسيياسىنا دەستٷرلٸ تٷردە قوناقجايلىق كٶرسەتكەنٸ ٷشٸن ريزاشىلىق بٸلدٸردٸ.
– مەن سٸزدٸڭ ەلٸڭٸزدٸ دامىتۋ مەن ٶركەندەتۋ جولىنداعى قىزمەتٸڭٸز, كٷش-جٸگەرٸڭٸز تۋرالى العاش رەت يسپانييا كورولٸ ٸ حۋان كارلوستان ەستٸدٸم. دەل سول كەزدە يسپانييا كورولٸ ٸ حۋان كارلوس قازاقستانداعى ەرٸپتەستەرٸمٸزبەن ٸسكەرلٸك بايلانىستار ورناتۋ قاجەتتٸگٸن ايتقان بولاتىن. بٷگٸندە قازاقستان سٸزدٸڭ ارقاڭىزدا زور تابىسقا قول جەتكٸزٸپ وتىر, – دەدٸ ا.پاستور.
بۇدان بٶلەك, يسپانييا كورولدٸگٸ دەپۋتاتتار كونگرەسٸنٸڭ تٶرايىمى قازاقستان پرەزيدەنتٸنە يسپانييا كورولدٸگٸ وتباسىنىڭ شىنايى لەبٸزٸن جەتكٸزدٸ.
