نۇرسۇلتان نازارباەۆ يران يسلام رەسپۋبليكاسىنىڭ پرەزيدەنتٸ حاسان رۋحانيمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى قازاقستانعا كەلگەن يران پرەزيدەنتٸنە ٸلتيپات بٸلدٸرٸپ, ەكٸ ەل اراسىنداعى قارىم-قاتىناستاردىڭ ەردايىم تۇراقتى سيپاتقا جەنە دوستىق پەن باۋىرلاستىققا نەگٸزدەلگەنٸن اتاپ ٶتتٸ.
– سٸزدٸڭ ساياساتىڭىز بەن جوعارى دەڭگەيدەگٸ ەكٸ جاقتى تيٸمدٸ كەزدەسۋلەرٸمٸزدٸڭ ارقاسىندا ەلدەرٸمٸز اراسىنداعى ساۋدا-ساتتىق پەن جٷك تاسىمالى كٶلەمٸ ارتىپ كەلەدٸ. ەسٸرەسە, اۋىل شارۋاشىلىعى ٶنٸمدەرٸن جەتكٸزۋ ٸسٸ جانداندى, – دەدٸ قازاقستان پرەزيدەنتٸ.
نۇرسۇلتان نازارباەۆ قازاقستان مەن يران كاسپيي تەڭٸزٸ ايماعىنداعى جاقىن كٶرشٸ ەكەنٸن, سونداي-اق 2016 جىلعى ٶزارا ساپارلار ەكٸ جاقتى بايلانىستارعا تىڭ سەرپٸن بەرگەنٸن ايتتى.
– بٸزدٸڭ سەنٸم مەن ٶزارا تٷسٸنٸستٸككە نەگٸزدەلگەن بٷگٸنگٸ تاريحي كەزدەسۋٸمٸز كاسپييگە قاتىستى بارلىق مەسەلەنٸ شەشٸپ, كاسپيي ماڭى ەلدەرٸ اراسىنداعى ىنتىماقتاستىقتى نىعايتادى, – دەدٸ قازاقستان پرەزيدەنتٸ.
حاسان رۋحاني نۇرسۇلتان نازارباەۆقا قازاقستانعا كەلۋگە مٷمكٸندٸك تۋعىزعانى جەنە يران دەلەگاتسيياسىنا قوناقجايلىق كٶرسەتكەنٸ ٷشٸن ريزاشىلىق بٸلدٸردٸ.
– سٸزبەن كەزدەسكەنٸمٸزگە قۋانىشتىمىز. بٷگٸنگٸ سامميتتە وڭ نەتيجەلەرگە قول جەتكٸزٸلەدٸ دەپ ٷمٸتتەنەمٸن. ەلدەرٸمٸز گەوگرافييالىق جاعىنان عانا ەمەس, سونداي-اق باسقا دا اسپەكتٸلەر بويىنشا جاقىن. سوندىقتان بٸزدٸڭ مٷددەلەرٸمٸز دە ورتاق, – دەدٸ حاسان رۋحاني.
ح.رۋحاني حالىقارالىق جيىنداردا قازاقستاننىڭ ٷنەمٸ يراندى قولدايتىنىن جەنە يادرولىق قارۋ تاقىرىبى جٶنٸندەگٸ حالىقارالىق ۋاعدالاستىقتى تۇراقتى تٷردە ساقتايتىنىن اتاپ ٶتتٸ.
– سٸزدٸڭ ەلٸڭٸز جاھاندىق ارەنادا, سونىڭ ٸشٸندە استانا پروتسەسٸ اياسىندا, ٶتە ماڭىزدى بٸتٸمگەرشٸلٸك ميسسيياسىن اتقارادى. بٸزدٸڭ قارىم-قاتىناستارىمىزدىڭ ستراتەگييالىق سيپاتى بار جەنە بارلىق باعىت بويىنشا دامىپ كەلەدٸ. بٷگٸن اقتاۋدا كاسپيي تاقىرىبى جٶنٸندە ماڭىزدى سامميت ٶتەدٸ. بۇل قازاقستاننىڭ جوعارى بەدەلٸن تاعى دا ناقتىلاي تٷسەدٸ, – دەدٸ يران پرەزيدەنتٸ.
