Nursultan Nazarbaev Iran Islam Respýblikasynyń Prezidenti Hasan Rýhanimen kezdesti, dep habarlaidy "Ult aqparat" Aqordaǵa silteme jasap.
Memleket basshysy Qazaqstanǵa kelgen Iran Prezidentine iltipat bildirip, eki el arasyndaǵy qarym-qatynastardyń árdaiym turaqty sipatqa jáne dostyq pen baýyrlastyqqa negizdelgenin atap ótti.
– Sizdiń saiasatyńyz ben joǵary deńgeidegi eki jaqty tiimdi kezdesýlerimizdiń arqasynda elderimiz arasyndaǵy saýda-sattyq pen júk tasymaly kólemi artyp keledi. Ásirese, aýyl sharýashylyǵy ónimderin jetkizý isi jandandy, – dedi Qazaqstan Prezidenti.
Nursultan Nazarbaev Qazaqstan men Iran Kaspii teńizi aimaǵyndaǵy jaqyn kórshi ekenin, sondai-aq 2016 jylǵy ózara saparlar eki jaqty bailanystarǵa tyń serpin bergenin aitty.
– Bizdiń senim men ózara túsinistikke negizdelgen búgingi tarihi kezdesýimiz Kaspiige qatysty barlyq máseleni sheship, Kaspii mańy elderi arasyndaǵy yntymaqtastyqty nyǵaitady, – dedi Qazaqstan Prezidenti.
Hasan Rýhani Nursultan Nazarbaevqa Qazaqstanǵa kelýge múmkindik týǵyzǵany jáne Iran delegatsiiasyna qonaqjailyq kórsetkeni úshin rizashylyq bildirdi.
– Sizben kezdeskenimizge qýanyshtymyz. Búgingi sammitte oń nátijelerge qol jetkiziledi dep úmittenemin. Elderimiz geografiialyq jaǵynan ǵana emes, sondai-aq basqa da aspektiler boiynsha jaqyn. Sondyqtan bizdiń múddelerimiz de ortaq, – dedi Hasan Rýhani.
H.Rýhani halyqaralyq jiyndarda Qazaqstannyń únemi Irandy qoldaitynyn jáne iadrolyq qarý taqyryby jónindegi halyqaralyq ýaǵdalastyqty turaqty túrde saqtaitynyn atap ótti.
– Sizdiń elińiz jahandyq arenada, sonyń ishinde Astana protsesi aiasynda, óte mańyzdy bitimgershilik missiiasyn atqarady. Bizdiń qarym-qatynastarymyzdyń strategiialyq sipaty bar jáne barlyq baǵyt boiynsha damyp keledi. Búgin Aqtaýda Kaspii taqyryby jóninde mańyzdy sammit ótedi. Bul Qazaqstannyń joǵary bedelin taǵy da naqtylai túsedi, – dedi Iran Prezidenti.
