مەملەكەت باسشىسى ەۋروپالىق كوميسسييا تٶراعاسى جان-كلود يۋنكەرمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان پرەزيدەنتٸ كەزدەسۋ بارىسىندا سامميتتٸڭ دەستٷرگە ساي جوعارى دەڭگەيدە ٶتكەنٸن اتاپ ٶتٸپ, ەۋروپالىق كوميسسييا تٶراعاسىن بيىلعى جەلتوقساندا سانكت-پەتەربۋرگتە ٶتەتٸن جوعارى ەۋرازييالىق ەكونوميكالىق كەڭەستٸڭ كەزەكتٸ وتىرىسىنا قاتىسۋعا شاقىردى.
جان-كلود يۋنكەر «ازييا-ەۋروپا» فورۋمىنىڭ XII سامميتٸنە قازاقستان دەلەگاتسيياسىنىڭ جەنە نۇرسۇلتان نازارباەۆتىڭ جەكە ٶزٸنٸڭ قاتىسۋىنىڭ ماڭىزدىلىعىن اتاپ ٶتتٸ.
– 2008 جىلعى قازاقستانعا جاساعان ساپارىم جەنە ەلەمدەگٸ تۇراقتىلىق تۋرالى ەڭگٸمەمٸز مەنٸڭ ەسٸمدە. بٸزدٸڭ جيٸ كەزدەسٸپ تۇرعانىمىز جٶن, – دەدٸ ەۋروپالىق كوميسسييا تٶراعاسى.
تاراپتار حالىقارالىق ساياساتتىڭ كٷن تەرتٸبٸن, سونىڭ ٸشٸندە جاھاندىق قاۋٸپسٸزدٸك پروبلەمالارىن قاراستىرىپ, ەۋرازييا ەكونوميكالىق وداعىنىڭ ەۋروپا كەڭەسٸمەن ىنتىماقتاستىق مەسەلەلەرٸن تالقىلادى.
سونىمەن قاتار, قازاقستان پرەزيدەنتٸ سامميت بارىسىندا قىتاي حالىق رەسپۋبليكاسى مەملەكەتتٸك كەڭەسٸنٸڭ تٶراعاسى لي كەتسيانمەن, رەسەي فەدەراتسيياسىنىڭ جەنە يتالييا رەسپۋبليكاسىنىڭ پرەمەر-مينيسترلەرٸ دميتريي مەدۆەدەۆپەن جەنە دجۋزەپپە كونتەمەن كەزدەستٸ.
