Memleket basshysy Eýropalyq komissiia tóraǵasy Jan-Klod Iýnkermen kezdesti, dep habarlaidy "Ult aqparat" Aqordaǵa silteme jasap.
Qazaqstan Prezidenti kezdesý barysynda sammittiń dástúrge sai joǵary deńgeide ótkenin atap ótip, Eýropalyq komissiia tóraǵasyn biylǵy jeltoqsanda Sankt-Peterbýrgte ótetin Joǵary Eýraziialyq ekonomikalyq keńestiń kezekti otyrysyna qatysýǵa shaqyrdy.
Jan-Klod Iýnker «Aziia-Eýropa» forýmynyń XII sammitine Qazaqstan delegatsiiasynyń jáne Nursultan Nazarbaevtyń jeke óziniń qatysýynyń mańyzdylyǵyn atap ótti.
– 2008 jylǵy Qazaqstanǵa jasaǵan saparym jáne álemdegi turaqtylyq týraly áńgimemiz meniń esimde. Bizdiń jii kezdesip turǵanymyz jón, – dedi Eýropalyq komissiia tóraǵasy.
Taraptar halyqaralyq saiasattyń kún tártibin, sonyń ishinde jahandyq qaýipsizdik problemalaryn qarastyryp, Eýraziia ekonomikalyq odaǵynyń Eýropa Keńesimen yntymaqtastyq máselelerin talqylady.
Sonymen qatar, Qazaqstan Prezidenti sammit barysynda Qytai Halyq Respýblikasy Memlekettik keńesiniń tóraǵasy Li Ketsianmen, Resei Federatsiiasynyń jáne Italiia Respýblikasynyń premer-ministrleri Dmitrii Medvedevpen jáne Djýzeppe Kontemen kezdesti.
