بٷگٸن قۇرىق پورتىنداعى مۋلتيمودالدىق كٶلٸك حابىن تانىستىرۋ شاراسىندا قر پرەزيدەنتٸ نۇرسۇلتان نازارباەۆ 12 تامىزدا ٶتەتٸن كاسپيي ماڭى مەملەكەتتەرٸنٸڭ اقتاۋ سامميتٸنە قاتىستى پٸكٸر بٸلدٸردٸ, دەپ حابارلايدى قازاقپارات.
«ەرتەڭ اقتاۋدا كاسپيي ماڭى مەملەكەتتەرٸ باسشىلارىنىڭ بەسٸنشٸ سامميتٸ اشىلادى. سوڭعى 20 جىلدا كاسپيي تەڭٸزٸندە ورتاق جۇمىستارىمىزدىڭ بارلىق مەسەلەلەرٸن شەشۋ ٷشٸن ۇستانىمدارىمىزدى كەلٸسۋگە تالپىندىق, كٷردەلٸ كەلٸسسٶزدەر جٷرگٸزدٸك. بۇل تۇرعىدا كەمە قاتىناسى, رەسۋرستار, بيولوگييالىق رەسۋرستاردى قورعاۋ جەنە مەملەكەتتەردٸڭ ساۋدا ىنتىماقتاستىعى سەكٸلدٸ تاقىرىپتار نازاردا بولدى. بٷگٸندە بارلىق مەسەلەلەر بويىنشا ۋاعدالاستىققا قول جەتكٸزٸلدٸ دەپ ايتا الامىن. ەرتەڭ تاريحي شەشٸمنٸڭ قابىلدانۋىن كٷتٸپ وتىرمىز. بۇل ٶتە ماڭىزدى», - دەدٸ مەملەكەت باسشىسى.
ايتا كەتەيٸك, اقتاۋدا ٶتەتٸن كاسپيي ماڭى مەملەكەتتەرٸ باسشىلارىنىڭ سامميتٸندە كاسپيي تەڭٸزٸنٸڭ قۇقىقتىق مەرتەبەسٸ تۋرالى كونۆەنتسيياعا قول قويىلادى.
قۇجات تەڭٸز اكۆاتوريياسىن, كاسپيي تەڭٸزٸ تٷبٸن بٶلۋگە, بيورەسۋرستاردى قورعاۋعا, بالىق اۋلاۋعا, سونىمەن قاتار كاسپيي تٷبٸمەن قۇبىر تارتۋعا قاتىستى ەرەجەلەردٸ قامتيدى.
