Búgin Quryq portyndaǵy mýltimodaldyq kólik habyn tanystyrý sharasynda QR Prezidenti Nursultan Nazarbaev 12 tamyzda ótetin Kaspii mańy memleketteriniń Aqtaý sammitine qatysty pikir bildirdi, dep habarlaidy QazAqparat.
«Erteń Aqtaýda Kaspii mańy memleketteri basshylarynyń besinshi sammiti ashylady. Sońǵy 20 jylda Kaspii teńizinde ortaq jumystarymyzdyń barlyq máselelerin sheshý úshin ustanymdarymyzdy kelisýge talpyndyq, kúrdeli kelissózder júrgizdik. Bul turǵyda keme qatynasy, resýrstar, biologiialyq resýrstardy qorǵaý jáne memleketterdiń saýda yntymaqtastyǵy sekildi taqyryptar nazarda boldy. Búginde barlyq máseleler boiynsha ýaǵdalastyqqa qol jetkizildi dep aita alamyn. Erteń tarihi sheshimniń qabyldanýyn kútip otyrmyz. Bul óte mańyzdy», - dedi Memleket basshysy.
Aita keteiik, Aqtaýda ótetin Kaspii mańy memleketteri basshylarynyń sammitinde Kaspii teńiziniń quqyqtyq mártebesi týraly konventsiiaǵa qol qoiylady.
Qujat teńiz akvatoriiasyn, Kaspii teńizi túbin bólýge, bioresýrstardy qorǵaýǵa, balyq aýlaýǵa, sonymen qatar Kaspii túbimen qubyr tartýǵa qatysty erejelerdi qamtidy.
