بەلگٸلٸ قازاقستاندىق رەجيسسەر بولات قالىمبەتوۆ تٷسٸرگەن «مۇقاعالي» كٶركەم فيلمٸ ٷندٸستاندا ناۋرىزدىڭ 18-25 ارالىعىندا ٶتەتٸن 26-شى حالىقارالىق كەرالا كينوفەستيۆالٸنٸڭ «ەلەمدٸك كينو» باعدارلاماسى شەڭبەرٸندە كٶرسەتٸلەدٸ. بۇل تۋرالى «قازاقفيلم» كينوستۋدييانىڭ باسپاسٶز قىزمەتٸ مەلٸم ەتتٸ, دەپ حابارلايدى قازاقپارات.
اتالعان بايقاۋدا بەرلين جەنە كانن سىندى باسقا دا ەلەمدەگٸ بەدەلدٸ فەستيۆالدەردە جٷلدەلەرگە يە بولعان فيلمدەر ۇسىنىلادى.
ەسكە سالايىق, قر مەدەنيەت جەنە سپورت مينيسترلٸگٸ تاپسىرىسى بويىنشا ش.ايمانوۆ اتىنداعى «قازاقفيلم» اق تٷسٸرگەن «مۇقاعالي» فيلمٸ قازاقتىڭ اقيىق اقىنى مۇقاعالي ماقاتاەۆ ٶمٸرٸنٸڭ سوڭعى جىلدارى تۋرالى باياندايدى.
فيلمنٸڭ ەلەمدٸك تۇساۋكەسەرٸ تالليندەگٸ «ا» ساناتىنداعى 25-شٸ حالىقارالىق «تەمنىە نوچي» (PÖFF) كينوفەستيۆالٸ شەڭبەرٸندە ٶتتٸ. بايقاۋدىڭ نەگٸزگٸ باعدارلاماسىنا قاتىسقان وتاندىق كينوتۋىندى ەكۋمەنيكالىق قازىلار القاسىنىڭ ارنايى جٷلدەسٸنە يە بولدى.
بىلتىر قازان ايىندا بيوگرافييالىق دراما ەلٸمٸزدە پروكاتقا شىعىپ, كٶرەرمەننٸڭ ىستىق ىقىلاسىنا يە بولعان.
كەرالا حالىقارالىق كينوفەستيۆالٸ ٷندٸستاندا ٶتەتٸن ەڭ ٸرٸ ەرٸ بەدەلدٸ بايقاۋلاردىڭ بٸرٸ. مەدەني ٸس-شارا كەرالا شتاتىنىڭ مەدەنيەت دەپارتامەنتٸ ۇيىمداستىرۋىمەن جىل سايىن جەلتوقسان ايىندا ٶتكٸزٸلەدٸ.
بيىلعى فەستيۆال Covid-19 پاندەميياسىنا بايلانىستى ناۋرىز ايىنا اۋىستىرىلىپ, دەستٷرلٸ فورماتتا ٶتكٸزٸلەتٸن بولادى. فەستيۆال شەڭبەرٸندە بارلىعى 180 فيلم كٶرسەتٸلەدٸ.
