جاڭارتىلعان كرەديتتٸك پٸكٸرگە سەيكەس, ەلەمدەگٸ جەنە ايماقتاعى ەكونوميكالىق جاعدايدىڭ بەلگٸسٸزدٸگٸنە قاراماستان, قازاقستان رەيتينگٸ Baa3 «وڭ» بولجامدى پاندەميياعا دەيٸنگٸ كٶرسەتكٸشتەرٸنە سەيكەس كەلەدٸ, دەپ حابارلايدى primeminister.kz.
باستاپقىدا Baa3 رەيتينگٸنٸڭ «وڭ» بولجامى قازاقستانعا 2019 جىلدىڭ تامىز ايىندا بەرٸلدٸ.
Baa3 مەرتەبەسٸن ساقتاۋعا جەنە كرەديتتٸك رەيتينگ بويىنشا وڭ بولجام جاساۋعا مٷمكٸندٸك بەرگەن فاكتورلار مەملەكەتتٸك بورىشتىڭ تٶمەن دەڭگەيٸ, ەدەۋٸر فيسكالدىق رەزەرۆتەر, ەكونوميكا جەنە حالىق تابىسىنىڭ ٶسٸمٸنٸڭ جوعارى ەلەۋەتٸ, ٷكٸمەتتٸڭ داعدارىسقا قارسى شارالاردى قالىپتاستىرۋداعى جەنە فيسكالدىق تۇراقتىلىقتى قامتاماسىز ەتۋدەگٸ يكەمدٸلٸگٸ پەن تيٸمدٸلٸگٸ بولدى.
Moody's ٶندٸرۋشٸ جەنە ٶڭدەۋشٸ سەكتورلاردا ەكونوميكا ٶسٸمٸنٸڭ جوعارى ەلەۋەتٸن وڭ باعالاپ, 2020 جىلى ناقتى سەكتور ٶسٸمٸنٸڭ وڭ قارقىنىن اتاپ ٶتتٸ.
بۇل فاكتورلار پاندەمييانىڭ تارالۋىنا بايلانىستى ەكونوميكالىق كٷيزەلٸستەرگە قارسى ايتارلىقتاي ەسەر ەتتٸ.
اتالعان ديناميكانى ەسكەرە وتىرىپ, Moody's قازاقستان ەكونوميكاسىنىڭ كرەديتتٸك رەيتينگٸنٸڭ جوعارىلاۋ ىقتيمالدىعىن اتاپ ٶتەدٸ. سونداي-اق قازاقستاننىڭ كرەديتتٸك رەيتينگٸن ارتتىرۋ ٷشٸن ەلەۋەتتٸ قالىپتاستىراتىن فاكتورلار — ينستيتۋتسيونالدىق ورتانى ودان ەرٸ رەفورمالاۋعا ەزٸرلٸك, ەكونوميكانى ودان ەرٸ ەرتاراپتاندىرۋ, بانك سەكتورىنىڭ ورنىقتىلىعىن ارتتىرۋ جٶنٸندەگٸ شارالار.
