Jańartylǵan kredittik pikirge sáikes, álemdegi jáne aimaqtaǵy ekonomikalyq jaǵdaidyń belgisizdigine qaramastan, Qazaqstan reitingi Baa3 «Oń» boljamdy pandemiiaǵa deiingi kórsetkishterine sáikes keledi, dep habarlaidy primeminister.kz.
Bastapqyda Baa3 reitinginiń «Oń» boljamy Qazaqstanǵa 2019 jyldyń tamyz aiynda berildi.
Baa3 mártebesin saqtaýǵa jáne kredittik reiting boiynsha oń boljam jasaýǵa múmkindik bergen faktorlar memlekettik boryshtyń tómen deńgeii, edáýir fiskaldyq rezervter, ekonomika jáne halyq tabysynyń ósiminiń joǵary áleýeti, Úkimettiń daǵdarysqa qarsy sharalardy qalyptastyrýdaǵy jáne fiskaldyq turaqtylyqty qamtamasyz etýdegi ikemdiligi pen tiimdiligi boldy.
Moody's óndirýshi jáne óńdeýshi sektorlarda ekonomika ósiminiń joǵary áleýetin oń baǵalap, 2020 jyly naqty sektor ósiminiń oń qarqynyn atap ótti.
Bul faktorlar pandemiianyń taralýyna bailanysty ekonomikalyq kúizelisterge qarsy aitarlyqtai áser etti.
Atalǵan dinamikany eskere otyryp, Moody's Qazaqstan ekonomikasynyń kredittik reitinginiń joǵarylaý yqtimaldyǵyn atap ótedi. Sondai-aq Qazaqstannyń kredittik reitingin arttyrý úshin áleýetti qalyptastyratyn faktorlar — institýtsionaldyq ortany odan ári reformalaýǵa ázirlik, ekonomikany odan ári ártaraptandyrý, bank sektorynyń ornyqtylyǵyn arttyrý jónindegi sharalar.
