بٷگٸن تٷركٸ اكادەميياسى حالىقارالىق ۇيىمى (TWESCO) ۇيىمداستىرعان «كەنتايدان ۇلىتاۋعا دەيٸن: تاريحي جادىنىڭ جاڭعىرۋى» اتتى ٸٸٸ حالىقارالىق ەكسپەديتسييا ٶز جۇمىسىن باستادى.
اكادەمييا باسشىسى دارحان قىدىرەلٸ باستاعان بٸر توپ زەرتتەۋشٸلەر مەن جۋرناليستەر موڭعولييا استاناسى ۇلان-باتىر قالاسىنا اتتاندى.
اتالعان حالىقارالىق ەكسپەديتسييانىڭ باستى ماقساتى: قازاقستان رەسپۋبليكاسىنىڭ پرەزيدەنتٸ ن.ە.نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ايرىقشا نازار اۋدارعان كيەلٸ جەرلەر مەن تاريحي سانانى جاڭعىرتۋ. ەكسپەديتسييا مارشرۋتى موڭعولييانىڭ كەنتاي ايماعىنداعى شىڭعىس حاننىڭ تۋعان جەرٸ بۋرحان حالدۋننان باستالىپ, ۇلىتاۋداعى الاشا حان, جوشى حان كەسەنەسٸنە دەيٸن جالعاساتىن بولادى.
ەكسپەديتسييا مٷشەلەرٸ كەنتاي ايماعىنا اتتانباس بۇرىن موڭعولييا استاناسىندا بٸرقاتار كەزدەسۋلەر ٶتكٸزەدٸ دەپ جوسپارلانعان.
ايتا كەتەرلٸگٸ, بۇل ەكسپەديتسييا TWESCO مەن موڭعولييا ۇلتتىق مۋزەيٸ اراسىندا 2016 جىلدىڭ تامىز ايىندا بەكٸتٸلگەن ىنتىماقتاستىق مەموراندۋمى شەڭبەرٸندە ۇيىمداستىرىلىپ وتىر. ول قۇجات شىعىس موڭعوليياداعى كەنتاي ايماعىنان تابىلعان كٶنە تٷركٸ كەشەندەرٸنە ارحەولوگييالىق ەكسپەديتسييا جاساقتاپ, بٸرلەسكەن قازبا جۇمىستارىن جٷرگٸزۋگە مٷمكٸندٸك بەرەدٸ.
