Búgin Túrki akademiiasy halyqaralyq uiymy (TWESCO) uiymdastyrǵan «Kentaidan Ulytaýǵa deiin: tarihi jadynyń jańǵyrýy» atty III halyqaralyq ekspeditsiia óz jumysyn bastady.
Akademiia basshysy Darhan Qydyráli bastaǵan bir top zertteýshiler men jýrnalister Mońǵoliia astanasy Ulan-Batyr qalasyna attandy.
Atalǵan halyqaralyq ekspeditsiianyń basty maqsaty: Qazaqstan Respýblikasynyń Prezidenti N.Á.Nazarbaevtyń «Bolashaqqa baǵdar: rýhani jańǵyrý» atty maqalasynda airyqsha nazar aýdarǵan kieli jerler men tarihi sanany jańǵyrtý. Ekspeditsiia marshrýty Mońǵoliianyń Kentai aimaǵyndaǵy Shyńǵys hannyń týǵan jeri Býrhan Haldýnnan bastalyp, Ulytaýdaǵy Alasha han, Joshy han kesenesine deiin jalǵasatyn bolady.
Ekspeditsiia músheleri Kentai aimaǵyna attanbas buryn Mońǵoliia astanasynda birqatar kezdesýler ótkizedi dep josparlanǵan.
Aita keterligi, bul ekspeditsiia TWESCO men Mońǵoliia Ulttyq mýzeii arasynda 2016 jyldyń tamyz aiynda bekitilgen yntymaqtastyq memorandýmy sheńberinde uiymdastyrylyp otyr. Ol qujat Shyǵys Mońǵoliiadaǵy Kentai aimaǵynan tabylǵan kóne túrki keshenderine arheologiialyq ekspeditsiia jasaqtap, birlesken qazba jumystaryn júrgizýge múmkindik beredi.
