قازاقستان قارجى مينيسترٸ باقىت سۇلتانوۆ رەسەيگە سالىنعان سانكتسييالاردىڭ قازاقستانعا "تٸكەلەي ەسەرٸ جوعىن" ايتتى. ونىڭ سٶزٸنشە, كەرٸسٸنشە وسىنداي كەزدە قازاقستاندىق تاۋار ٶندٸرۋشٸلەردٸڭ رەسەي نارىعىنا شىعۋىنا مٷمكٸندٸك تۋادى.
استانادا سەنات جيىنىنىڭ اراسىندا تٸلشٸلەر باقىت سۇلتانوۆتان "ۇلتتىق بانك تٶراعاسى, ساراپشىلار تەڭگەنٸڭ قۇنسىزدانۋى رۋبلگە بايلانىستى ەكەنٸن ايتادى. سول سەبەپتٸ ەۋرازييا ەكونوميكالىق وداعىنان شىعۋ كەرەك دەگەن پٸكٸرلەر ايتىلىپ جٷر. وسىعان نە دەيسٸز?" دەپ سۇرادى. سۇلتانوۆ "ينتەگراتسييالانۋ باستاماسى قازاقستاننان شىقتى. سوندىقتان (وداققا - رەد.) قاتىسۋشى ەلدەر اراسىنداعى كەدەرگٸلەردٸ جويۋ جۇمىستارىن جالعاستىرۋ كەرەك. وسىنداي ٷلكەن نارىق ارقىلى كەلەشەكتە جاھاندىق داعدارىستارعا قارسى شىعۋعا بولادى", - دەدٸ.
مينيستر بۇعان قوسا دوللار باعامىنىڭ قىمباتتاۋى "رەسپۋبليكالىق بيۋدجەتكە ەزٸرگە ەسەر ەتپەيتٸنٸن" جەنە "قوسىمشا شىعىن كەلتٸرمەيتٸنٸن" مەلٸمدەدٸ. ول بيىلعى بيۋدجەت دوللاردىڭ ورتاشا باعامى 340 تەڭگە دەگەن ەسەپپەن بەكٸتٸلگەنٸن, ال بيىل العاشقى التى ايدا دوللار باعامى بۇل مەجەدەن تٶمەن بولعاندىقتان, جوسپارلانعان قارجى ٷنەمدەلگەنٸن ايتتى.
اقش-تىڭ تاياۋدا رەسەيگە جاڭا سانكتسييالار سالۋىنا بايلانىستى رەسەي رۋبلٸنٸڭ قۇنى تٶمەندەي باستاعان. وسىدان كەيٸن قازاقستان ۇلتتىق ۆاليۋتاسى - تەڭگەنٸڭ دوللارعا شاققانداعى باعامى دا تٶمەندەي تٷستٸ. قازاقستان قور بيرجاسىندا 6 قىركٷيەكتە تاڭعى سەسسييادا دوللاردىڭ ورتاشا باعامى 371 تەڭگە 80 تيىنعا جەتتٸ. بيرجا مەلٸمەتٸنشە, دوللار سوڭعى بٸر ايدا 22 تەڭگە 98 تيىنعا قىمباتتاپ وتىر.
4 قىركٷيەكتە ٷكٸمەت وتىرىسىندا سٶيلەگەن ۇلتتىق بانك تٶراعاسى دانييار اقىشەۆ كەلەسٸ جىلى رەسەيگە قارسى سانكتسييالار ەسەرٸنەن قازاقستاندا ينفلياتسييا دەڭگەيٸ جوعارىلايدى دەگەن بولجام بارىن مەلٸمدەگەن.
"2019-2020 جىلدارى ينفلياتسييا جوعارىلاپ, بەلگٸلەنگەن مەجەدەن اسىپ تٷسۋٸ ىقتيمال. بۇل ەڭ الدىمەن, رەسەيگە قارسى سانكتسييالارمەن بايلانىستى بولماق. ەكٸنشٸدەن, بۇعان ۇلتتىق ۆاليۋتانىڭ قۇنسىزدانۋى, ٷشٸنشٸدەن, مۇناي باعاسىنىڭ ارزانداۋى ەسەر ەتەدٸ. بۇل ەلەۋمەتتٸك شىعىندار مەن نەسيە كٶلەمٸنٸڭ ارتۋىمەن دە بايلانىستى" دەگەن دانييار اقىشەۆ.
