سۋرەت: اقوردا
پرەزيدەنت قاسىم-جومارت توقاەۆتىڭ باق سالاسى قىزمەتكەرلەرٸن ماراپاتتاۋ رەسٸمٸنە قاتىستى. بۇل تۋرالى اقوردانىڭ باسپاسٶز قىزمەتٸ مەلٸم ەتتٸ.
"ەڭ الدىمەن, بارشاڭىزدى بۇقارالىق اقپارات قۇرالدارىنىڭ قىزمەتكەرلەرٸ كٷنٸمەن شىن جٷرەكتەن قۇتتىقتايمىن! تٷپتەپ كەلگەندە, مەملەكەت تە, جۋرناليست تە ۇلت ٷشٸن قىزمەت ەتەدٸ, ەل تاعدىرىن شەشۋگە اتسالىسادى. ٶيتكەنٸ, ۇلت باسپاسٶزٸ مەن ۇلت مٷددەسٸ قاي كەزدە دە ٶزەكتەس بولعان. قازٸر دە سولاي", - دەدٸ پرەزيدەنت.
جالپى, دەپۋتات پەن جۋرناليست قىزمەتٸ بٸرٸ-بٸرٸمەن تىعىز بايلانىسىپ جاتىر, دەپ اتاپ ٶتتٸ ول.
"ەكەۋٸ دە ەل مٷددەسٸن قورعايدى. حالىق سەنٸمٸن ارقالاپ, وعان مٷلتٸكسٸز قىزمەت ەتەدٸ. قازٸر دەپۋتاتتار كورپۋسى مەن ماسس-مەديا ٶكٸلدەرٸ ٷيلەسٸمدٸ جۇمىس ٸستەۋدە. قازٸرگٸ دەپۋتاتتار قۇرامىندا اقپارات سالاسىنىڭ ٶكٸلدەرٸ جەتكٸلٸكتٸ. اتاپ ايتقاندا, نۇرتٶرە جٷسٸپ, ەرمۇرات باپي, قازىبەك يسا, سەرگەي پونومارەۆ, جاناربەك ەشٸمجان, بيبٸگٷل جەكسەنباي, ايگٷل قاپباروۆا سەكٸلدٸ ەرٸپتەستەرٸڭٸز كٶپشٸلٸككە بەلگٸلٸ. پرەزيدەنت ەكٸمشٸلٸگٸندە دە ەرٸپتەستەرٸڭٸز از ەمەس. ولار ٶز كەسٸبي ورتاسىنا قولداۋ بٸلدٸرٸپ, بۇقارالىق اقپارات قۇرالدارى مەن مەملەكەتتٸك ورگاندار اراسىندا التىن كٶپٸر قىزمەتٸن اتقارادى", - دەدٸ قاسىم-جومارت توقاەۆ.
سونداي-اق پرەزيدەنت «Egemen Qazaqstan», «كازاحستانسكايا پراۆدا», «Aiqyn», «ليتەر», «Turkistan», «Ana tili», «قازاق ەدەبيەتٸ» باسىلىمدارىن, ايماقتاردا شىعاتىن گازەتتەردٸ دە ٷزبەي وقيتىنىن ايتتى.
پرەزيدەنت قازاقستاندا ەلدەقاشان جاڭا ساياسي جاعداي قالىپتاسقانىن اتاپ ٶتتٸ. ونى سٶز بوستاندىعىنان, اشىق بەسەكەلەستٸكتەن, بيلٸك پەن قوعام اراسىنداعى كونسترۋكتيۆتٸ ديالوگتان, بٷكٸل اقپاراتتىق رەسۋرستاردىڭ قول جەتٸمدٸلٸگٸنەن بايقاۋعا بولادى, دەيدٸ ول.
"قازاقستاندا جٷزدەگەن تەۋەلسٸز باق پەن مەديارەسۋرس بارى. ال ينتەرنەتتەگٸ كٶپتەگەن تٷرلٸ بلوگتار مەن كانالدار تۋرالى ايتپاسا دا بولادى. ولار ەلدە بولىپ جاتقان ٷدەرٸستەردٸ ەر قىرىنان جارييالاپ كٶرسەتەدٸ, بيلٸك ورگاندارىنىڭ قىزمەتٸنە سىن ايتادى. بٸراق بٸز ەۋەل باستان پٸكٸر الۋاندىعىنا ۇمتىلىپ كەلەمٸز. بۇل – بٸزدٸڭ ايتۋلى جەتٸستٸگٸمٸز.
بٸز وسىنداي ٶزگەرٸستەر جٷزەگە اسىرىلدى دەپ سەنٸممەن ايتا الامىز. مۇنداي جاعدايدا باق-تىڭ رٶلٸ مەن جاۋاپكەرشٸلٸگٸ ارتا تٷسەدٸ. وتاندىق ماسس-مەديا ەردايىم وبەكتيۆتٸلٸكتٸ, بەيتاراپتىلىقتى ساقتاپ, ەل مەن قوعامنىڭ مٷددەسٸن بەرٸنەن جوعارى قوياتىنىنا سەنٸمدٸمٸن", - دەدٸ مەملەكەت باسشىسى.
