فوتو: اقوردا
پرەزيدەنت قاسىم-جومارت توقاەۆ شەت مەملەكەتتەردەن كەلگەن مەرتەبەلٸ مەيماندارمەن جەنە جۇرتشىلىقپەن بٸرگە V دٷنيەجٷزٸلٸك كٶشپەندٸلەر ويىندارىنىڭ سالتاناتتى اشىلۋ رەسٸمٸن تاماشالادى, دەپ حابارلايدى اقوردانىڭ باسپاسٶز قىزمەتٸ.
«استانا ارەنا» ستاديونىندا ٶتكەن شاراعا ٶزبەكستان پرەزيدەنتٸ شاۆكات ميرزييوەۆ, قىرعىزستان پرەزيدەنتٸ سادىر جاپاروۆ, تٷرٸكمەنستان حالك ماسلاحاتىنىڭ تٶراعاسى گۋربانگۋلى بەردٸمۇحامەدوۆ, تاتارستان رەسپۋبليكاسىنىڭ رايسى رۋستام ميننيحانوۆ, ساحا رەسپۋبليكاسىنىڭ باسشىسى ايسەن نيكولاەۆ, موڭعولييانىڭ بۇرىنعى پرەزيدەنتٸ ەنحبايار نامبارىن, دٷنيەجٷزٸلٸك ەتنوسپورت كونفەدەراتسيياسىنىڭ پرەزيدەنتٸ بٸلەل ەردوعان, سونداي-اق يۋنەسكو, اٶسشك, بۇۇ دٷنيەجٷزٸلٸك تۋريزم ۇيىمى, تٷركٸ مەملەكەتتەرٸ ۇيىمى, تٷركسوي, تٷركٸ ينۆەستيتسييالىق قورى, تٷركٸ مەملەكەتتەرٸنٸڭ پارلامەنتتٸك اسسامبلەياسى, يسلام سپورت قاۋىمداستىعى, ازىق-تٷلٸك قاۋٸپسٸزدٸگٸ جٶنٸندەگٸ يسلام ۇيىمىنىڭ باسشىلارى, ەۋروپا وداعىنىڭ ورتالىق ازيياداعى ارنايى ٶكٸلٸ جەنە باسقا دا رەسمي تۇلعالار قاتىستى.
دٷبٸرلٸ دودانىڭ اشىلۋ سالتاناتىندا قازاق جەرٸن مەكەن ەتەتٸن تٷرلٸ ەتنوس ٶكٸلدەرٸنٸڭ بالالارى قازاقستان رەسپۋبليكاسىنىڭ تۋىن الىپ شىقتى. بۇدان كەيٸن ەلٸمٸزدٸڭ ەنۇرانى شىرقالدى.
قالىپتاسقان دەستٷر بويىنشا جارىسقا قاتىسۋشى مەملەكەتتەر سپورتشىلارىنىڭ شەرۋٸ ٶتتٸ. بيىلعى كٶشپەندٸلەر ويىندارىنا ازييادان, ەۋروپادان, سولتٷستٸك جەنە وڭتٷستٸك امەريكادان, افريكادان, سونداي-اق اۆسترالييادان سپورتشىلار كەلدٸ.
سالتاناتتى جيىندا مەملەكەت باسشىسى قاسىم-جومارت توقاەۆ ارنايى سٶز سٶيلەپ, ەلەمدٸك اۋقىمدا ٶتٸپ جاتقان ايرىقشا ماڭىزدى ٸس-شاراعا قاتىسۋ ٷشٸن قازاقستانعا كەلگەن باۋىرلاس مەملەكەتتەردٸڭ باسشىلارىنا, مەرتەبەلٸ مەيماندارعا جەنە سپورتشىلارعا شىنايى العىسىن جەتكٸزدٸ.
پرەزيدەنت كٶشپەندٸلەر ٶركەنيەتٸ دٷنيەجٷزٸ تاريحىندا ٶشپەس ٸز قالدىرعان ٶركەنيەت ەكەنٸن ايرىقشا اتاپ ٶتتٸ.
"ۇلى دالا كٶشپەندٸلەرٸ ەجەلدەن بايتاق ەۋرازييانى مەكەن ەتكەن. ولار جاھاندىق دامۋ ٷدەرٸسٸنە تٷبەگەيلٸ ٶزگەرٸس ەكەلدٸ, سول زامانداعى وزىق تەحنولوگييانىڭ يەسٸ بولدى. كٶشپەندٸلەر بەس مىڭ جىل بۇرىن جىلقىنى قولعا ٷيرەتتٸ. دٷنيەنٸ دٷبٸرلەتكەن سالت اتتىلار مەدەنيەتٸن قالىپتاستىردى. قۋاتتى قارۋ-جاراق پەن عاجايىپ زەرگەرلٸك بۇيىمدار جاساپ شىعاردى. ساق دەۋٸرٸنٸڭ التىن ادامدارى – سونىڭ ايقىن دەلەلٸ. قازاق جەرٸنەن ەل-فارابي, قوجا احمەت ياساۋي سىندى عۇلامالار شىققان. ولار ٸلٸم-عىلىمنىڭ دامۋىنا وراسان زور ٷلەس قوستى. بٸزدٸڭ بابالارىمىز الىپ مەملەكەتتەر قۇردى, ٷلكەن قالالار سالدى. ۇلى دالادا وتىرار, تٷركٸستان, تاراز, سارايشىق سيياقتى سەۋلەتتٸ شاھارلار بوي كٶتەردٸ. كٶشپەندٸ جۇرت باتىس پەن شىعىسقا كٶپٸر بولىپ, تٷرلٸ مەدەنيەتتٸڭ جاقىنداسۋىنا ەسەر ەتتٸ. وسى جەردە ەجەلگٸ عۇن يمپەريياسى, ودان سوڭ تٷرٸك قاعاناتى سالتانات قۇردى. ولاردىڭ داڭقتى جولىن التىن وردا مەن قازاق حاندىعى جالعاستىردى", – دەدٸ قاسىم-جومارت توقاەۆ.
مەملەكەت باسشىسى كٶشپەندٸلەر ويىنى بابالار امانات ەتكەن قاستەرلٸ مۇرانى كٶزدٸڭ قاراشىعىنداي ساقتاپ, جاس بۋىنعا تابىستاۋ ماقساتىنان تۋعان بٸرەگەي جوبا ەكەنٸن ايتتى.
"ون جىل بۇرىن وسى جارىستى العاش ۇيىمداستىرعان قىرعىز باۋىرلارعا العىس ايتامىن. بۇل – ۇلتتىق سپورت تٷرلەرٸنەن ٶتەتٸن ەلەمدەگٸ ەڭ ٸرٸ دودا. ونى كٶشپەندٸلەر وليمپياداسى دەۋگە بولادى. بۇل ويىندار دالا ٶركەنيەتٸن جەر جاھانعا پاش ەتەدٸ. سپورت – ٶزارا قۇرمەت پەن سىيلاستىق سيمۆولى. سپورتتىڭ باستى ميسسيياسى – حالىقتار دوستىعىن نىعايتۋ. قازاقستان بٷكٸل ەلەمگە بەيبٸتشٸلٸك پەن كەلٸسٸم مەكەنٸ رەتٸندە تانىمال. ەلٸمٸزدە تٷرلٸ ەتنوس ٶكٸلدەرٸ تاتۋ-تەتتٸ ٶمٸر سٷرٸپ جاتىر. بٸز الىس-جاقىن شەتەلدٸڭ بەرٸمەن تىعىز بايلانىس ورناتتىق. باسقا مەملەكەتتەر دە ٶزارا دوستىق قاتىناستا بولعانىن قالايمىز. سوندىقتان كٶشپەندٸلەر ويىندارى ىنتىماعىمىزدى بەكەمدەي تٷسپەك", – دەدٸ پرەزيدەنت.
تٶرتكٷل دٷنيەنٸ جايلاعان كٶشپەندٸلەر ٶركەنيەتٸنٸڭ باي مەدەنيەتٸ مەن تاعىلىمدى تاريحىن, سالت-دەستٷرٸن پاش ەتٸپ, ادامزات بالاسىن ورتاق ٷيٸمٸز – جەر انانى ساقتاۋعا ٷندەگەن اشىلۋ سالتاناتى بٸرنەشە ەپيزودقا ۇلاستى.
سونىمەن قاتار سالتاناتتى جيىندا V دٷنيەجٷزٸلٸك كٶشپەندٸلەر ويىندارىن ۇيىمداستىرۋ كوميتەتٸنٸڭ تٶراعاسى رومان سكليار, دٷنيەجٷزٸلٸك ەتنوسپورت كونفەدەراتسيياسىنىڭ پرەزيدەنتٸ بٸلەل ەردوعان سٶز سٶيلەدٸ.
