فوتو: الماتى ەكٸمدٸگٸ
مەملەكەت باسشىسى قاسىم-جومارت توقاەۆ كٶرنەكتٸ اقىن, قوعام قايراتكەرٸ ولجاس سٷلەيمەنوۆتٸ 90 جاس مەرەيتويىمەن قۇتتىقتادى, دەپ حابارلايدى Ult.kz.
پرەزيدەنتتٸڭ ارنايى قۇتتىقتاۋ حاتىن الماتى ەكٸمٸ دارحان ساتىبالدى اقىننىڭ شاڭىراعىنا بارىپ تابىستادى.
قۇتتىقتاۋ حاتىندا مەملەكەت باسشىسى ولجاس سٷلەيمەنوۆتٸڭ تەك قازاقستاندا عانا ەمەس, حالىقارالىق دەڭگەيدە دە بەدەلدٸ تۇلعا ەكەنٸن اتاپ ٶتتٸ. ونىڭ تەرەڭ ويلى پوەزيياسى مەن گۋمانيستٸك ۇستانىمى ۇلتتىق مەدەنيەت پەن قوعامدىق-ساياسي ويدىڭ التىن قورىنا اينالعانى ەرەكشە ايتىلدى.
— سٸزدٸڭ بٸرەگەي شىعارماشىلىعىڭىز قازاق حالقىنىڭ تاريحي ساناسىن جاڭعىرتىپ, رۋحاني كەڭٸستٸگٸن كەڭەيتتٸ. سٸز قالدىرعان مۇرا – ۇلتتىڭ عانا ەمەس, ادامزاتتىڭ ورتاق يگٸلٸگٸ, — دەلٸنگەن پرەزيدەنت جولداۋىندا.
كەزدەسۋ بارىسىندا قالا ەكٸمٸ قالامگەردٸڭ ەدەبيەتكە, قوعامدىق ويعا جەنە يادرولىق قارۋعا قارسى قوزعالىسقا قوسقان ٶلشەۋسٸز ٷلەسٸن ەرەكشە اتاپ ٶتتٸ. ەسٸرەسە, سٷلەيمەنوۆ باستاماشى بولعان «نەۆادا–سەمەي» قوزعالىسىنىڭ يادرولىق سىناقتارعا قارسى كٷرەستەگٸ تاريحي رٶلٸنە توقتالدى. بۇل قوزعالىس ەلەمدٸك انتييادرولىق قوزعالىستىڭ سيمۆولىنا اينالىپ, سەمەي پوليگونىنىڭ جابىلۋىنا تٸكەلەي ىقپال ەتكەنٸ بەلگٸلٸ.
ولجاس سٷلەيمەنوۆ — XX–XXI عاسىرلار توعىسىنداعى قازاق رۋحانيياتىنىڭ ٸرٸ تۇلعاسى. ول تەك اقىن عانا ەمەس, ويشىل, تٷركٸتانۋشى, ديپلومات رەتٸندە دە ەلەمدٸك دەڭگەيدە تانىلدى. ونىڭ شىعارمالارى كٶپتەگەن تٸلگە اۋدارىلىپ, حالىقارالىق وقىرماننىڭ جوعارى باعاسىنا يە بولدى.
بٷگٸن ۇلت ماقتانىشىنا اينالعان قالامگەر 90 جاسقا تولىپ وتىر. بۇل مەرەيتوي – بٸر ادامنىڭ عانا ەمەس, تۇتاس دەۋٸردٸڭ, رۋحانيياتتىڭ سالتاناتى.
