مەملەكەت باسشىسى كوروناۆيرۋسپەن كٷرەستە اقپاراتتىق جۇمىستاردىڭ ماڭىزدى رٶل اتقاراتىنىن ايتتى, – دەپ حابارلايدى «ۇلت اقپارات».
بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي فەيسبۋك پاراقشاسىندا جازدى.
«دەر كەزٸندە حابارلاپ, تيٸستٸ شارالار قابىلداۋعا كٶپ نەرسە بايلانىستى. باستاپقى كەزەڭدە بۇل جۇمىستار جاقسى ۇيىمداستىرىلدى. بٸراق مەملەكەتتٸك ورگاندار سوڭعى كەزدە بۇل ٸستٸ بوساڭسىتىپ جٸبەردٸ.
كوروناۆيرۋس بويىنشا ٷش اي بۇرىن ارنايى قۇرىلعان رەسپۋبليكالىق كوممۋنيكاتسييالىق ورتالىق قازٸرگٸ ۋاقىتتا ٸس جٷزٸندە جۇمىس ٸستەمەيدٸ. وسىعان سەيكەس, بٷگٸندە بٸرىڭعاي ناقتى اقپاراتتار دەرەگٸ جوق. ٸندەتكە قارسى كٷرەستە جاۋاپتى شەنەۋنٸكتەر تەرٸس اقپارات بەرٸپ, حالىقتى ودان ەرٸ اداستىرادى. ەڭ جامانى وسى.
ەكٸمدەر مەن مينيسترلەر قاراپايىم حالىقپەن بايلانىس ورناتۋدى قويدى. ولاردىڭ ارىز-شاعىمدارىنا دەر كەزٸندە جاۋاپ بەرمەيدٸ. سوندىقتان تۇرعىنداردىڭ كٶپشٸلٸگٸ قايدا بارارىن بٸلمەي, تورىعۋدا», – دەدٸ پرەزيدەنت.
