پرەزيدەنت قاسىم-جومارت توقاەۆ سالتاناتتى جيىنعا قاتىسۋشى سپورتشىلار مەن باپكەرلەردٸ پاريج وليمپياداسىنداعى جەتٸستٸكتەرٸمەن قۇتتىقتاپ, ەربٸر جەڭٸس زور ەرٸك-جٸگەر مەن قاجىرلى ەڭبەكتٸڭ جەمٸسٸ ەكەنٸنە نازار اۋداردى, دەپ حابارلايدى اقوردانىڭ باسپاسٶز قىزمەتٸ.
مەملەكەت باسشىسى, ەڭ الدىمەن, وليمپيادا چەمپيونى ەلدوس سمەتوۆتٸڭ جەڭٸسٸنە ەرەكشە توقتالدى.
"ول بايراقتى بەسەكەنٸڭ العاشقى كٷندەرٸ جاقسىلىق ٷشكەمپٸروۆتٸڭ داڭقتى جولىن جالعادى. ەل تاريحىندا تۇڭعىش رەت دزيۋدودان وليمپيادانىڭ التىن مەدالٸن الدى. ەلدوس باۋىرىم, سەن وليمپياداعا اتتانار الدىندا ماعان جەنە بارلىق سپورت جانكٷيەرلەرٸنە بار كٷش-جٸگەرٸمدٸ جەڭٸسكە جەتۋ ٷشٸن جۇمسايمىن دەپ ۋەدە بەردٸڭ. سٶزٸڭدە تۇردىڭ. ناعىز جٸگٸتسٸڭ! بٸز بەرٸمٸز سەنٸ ماقتان تۇتامىز. شىن مەنٸندە, قاتارىنان ٷش رەت وليمپيادا جٷلدەگەرٸ اتانۋ – ناعىز چەمپيوننىڭ قولىنان كەلەتٸن ەرلٸك. سەنٸڭ جەڭٸستٸ جولىڭ سپورتشىلارىمىزعا جٸگەر بەردٸ, بارشا حالقىمىزدى قۋانىشقا بٶلەدٸ", – دەدٸ پرەزيدەنت.
قاسىم-جومارت توقاەۆ تٶرتجىلدىقتىڭ دوداسىنان جٷلدەمەن ورالعان ٶزگە سپورتشىلارعا, باپكەرلەر مەن اتلەتتەردٸ دايىنداۋعا ٷلەس قوسقان ازاماتتارعا العىس ايتتى.
"ناريمان قۇربانوۆتىڭ كٷمٸس جٷلدەسٸن تاريحي جەتٸستٸك دەۋگە بولادى. گيمناستيكا شەبەرلەرٸ تۇڭعىش رەت وليمپيادا بيٸگٸن باعىندىرىپ وتىر. دەمەۋ جادىراەۆ پەن نۇربەك ورالباي تاماشا ٶنەر كٶرسەتتٸ. مەرگەندەرٸمٸز الەكساندرا لە مەن يسلام سەتباەۆ نىسانا كٶزدەۋدەن قولا مەدال الدى. بۇل – 28 جىلدان بەرٸ ەلٸمٸزدٸڭ وسى سپورت تٷرٸنەن العان العاشقى جٷلدەسٸ. بالۋان عۇسمان قىرعىزباەۆ پەن بوكسشى نازىم قىزايباي جٷلدەگەرلەر قاتارىنا قوسىلدى. جالپى بارلىق مەملەكەت وليمپياداعا ەڭ مىقتى سپورتشىلارىن جٸبەرەدٸ. شىن مەنٸندە, جٷزدەن جٷيرٸك, مىڭنان تۇلپار شىعىپ, ەلەمدٸك بەسەكەدە جەڭٸسكە جەتۋ وڭاي ەمەس. مۇنداي جاھاندىق دودادا ەل قورجىنىنا تٷسكەن ەر مەدالدٸڭ ورنى ايرىقشا. سوندىقتان بٷگٸن مەن وليمپيادا جٷلدەسٸنە يە بولعان بارشا سپورتشىلارىمىزعا شىنايى ريزاشىلىعىمدى بٸلدٸرەمٸن. جەڭٸس جولىندا سپورتشى عانا ەمەس, سول سالانىڭ كٶپتەگەن ماماندارى دا تەر تٶگەدٸ. مەن باپكەرلەرگە, سپورتشىلاردى دايىنداۋعا ٷلەس قوسقان باسقا دا كەسٸپ يەلەرٸنە العىس ايتامىن. ۇلتتىق وليمپيادا كوميتەتٸنٸڭ باسشىلارى جۇمىسقا جاڭا سەرپٸن بەرٸپ, حالىقارالىق ىنتىماقتاستىقتى دامىتۋ ٷشٸن ماڭىزدى قادام جاسادى. جاۋاپتى سەتتەردە سپورتشىلارىمىزدىڭ قاسىندا بولىپ, قولداۋ كٶرسەتتٸ. ۇلتتىق وليمپيادا كوميتەتٸ باستاعان ٸستٸ جالعاستىرىپ, الداعى ۋاقىتتا ناقتى نەتيجەگە جەتەدٸ دەپ ويلايمىن", – دەدٸ مەملەكەت باسشىسى.
پرەزيدەنتتٸڭ ايتۋىنشا, پاريجدەگٸ بەسەكە وليمپيادالىق سپورت تٷرلەرٸن ودان ەرٸ قولداۋ ماڭىزدى ەكەنٸن كٶرسەتتٸ. ٶيتكەنٸ كەيبٸر سپورتشىلارىمىز جەڭٸس تۇعىرىنا قولسوزىم جەردەن توقتادى, ٷزدٸك وندىقتان كٶرٸندٸ. بۇل ولاردىڭ شەبەرلٸگٸن ەرٸ جەڭٸسكە دەگەن ەرٸك-جٸگەرٸن بايقاتادى. ەيتسە دە, مەملەكەت باسشىسىنىڭ پٸكٸرٸنشە, كەسٸبي سپورتتا شەشٸمٸن كٷتكەن تٷيتكٸلدٸ مەسەلەلەر دە بارشىلىق.
"مەملەكەت ەڭ جوعارى دەڭگەيدەگٸ سپورتشىلاردى دايىنداۋعا جەتكٸلٸكتٸ مٶلشەردە قارجى بٶلەدٸ. سوندىقتان جۇرتشىلىقتىڭ حالىقارالىق جارىستاردا كەيبٸر سپورت تٷرلەرٸنەن جٷلدە كٷتۋٸ – زاڭدىلىق. سالالىق ۆەدومستۆو سپورتتىڭ وليمپيادالىق تٷرلەرٸن دامىتۋ ٸسٸندە كەتكەن جٷيەلٸ قاتەلٸكتەردٸ ەگجەي-تەگجەيلٸ تالداۋعا تيٸس. كەشەندٸ رەفورما جاسايتىن ۋاقىت كەلدٸ. ال ونى جٷزەگە اسىرۋ ٷشٸن قۇزىرەتتٸ مينيسترلٸك, ۇلتتىق وليمپيادا كوميتەتٸ جەنە سپورت فەدەراتسييالارى ٷيلەسٸمدٸ ەرەكەت ەتۋٸ كەرەك. سپورتتا ەدٸل بەسەكەلەستٸك رۋحى سالتانات قۇرۋى قاجەت. جەمقورلىقپەن تاباندى تٷردە كٷرەسٸپ, جوعارى نەتيجەگە قول جەتكٸزۋگە كەدەرگٸ كەلتٸرەتٸن پروتەكتسيونيزم سەكٸلدٸ فاكتورلاردان ٸرگەنٸ اۋلاق سالعان جٶن", – دەدٸ قاسىم-جومارت توقاەۆ.
مەملەكەت باسشىسى بۇقارالىق, سونداي-اق بالالار مەن جاسٶسپٸرٸمدەر سپورتىنا باسا مەن بەرۋ قاجەت ەكەنٸن ايتتى.
"بۇل – ٶتە ماڭىزدى مٸندەت. سەبەبٸ بۇقارالىق سپورتتى دامىتۋ ارقىلى بٸز كەسٸبي سپورتقا جول اشامىز جەنە ەڭ باستىسى, ۇلت ساۋلىعىن جاقسارتامىز. سوندىقتان مەملەكەت سپورت ينفراقۇرىلىمىن دامىتۋ ٷشٸن تيٸستٸ قاراجات بٶلۋدە, ياعني بالالاردىڭ جاستايىنان الاڭسىز سپورتپەن شۇعىلدانۋىنا قاجەتتٸ جاعدايدى جاساپ جاتىر. ەلٸمٸزدٸڭ ايماقتارىندا 20 مىڭنان استام سپورت الاڭدارى جۇمىس ٸستەپ تۇر, 16 مىڭنان اسا ارنايى كەشەندەر مەن زالدار بار. وسى نىسانداردىڭ بارلىعى تولىققاندى قىزمەت ەتۋگە تيٸس جەنە سپورتپەن اينالىسامىن دەگەن ەربٸر ادامعا قولجەتٸمدٸ بولۋى كەرەك. بارلىق وبلىس ورتالىعىندا جەنە اۋدانداردا فۋتبول, بوكس, كٷرەس, باسكەتبول, ۆولەيبول, ساداق اتۋ, ٷستەل تەننيسٸ, شاحمات جەنە تاعى دا باسقا تانىمال سپورت تٷرلەرٸنٸڭ سەكتسيياسى بولۋعا تيٸس. بۇل – ەكٸمدەردٸڭ مٸندەتٸ. ال ٷكٸمەت سپورت نىساندارىنىڭ جۇمىس تيٸمدٸلٸگٸنە ساراپتاما جٷرگٸزٸپ, وسى مەسەلە بويىنشا تيٸستٸ شارالار قابىلداعانى دۇرىس", – دەدٸ پرەزيدەنت.
