فوتو: اقوردانىڭ باسپاسٶز قىزمەتٸ
پرەزيدەنت باتىس قازاقستان وبلىسىنا جۇمىس ساپارى بارىسىندا ەلەمدەگٸ ەڭ ٸرٸ مۇناي-گاز كوندەنسات كەن ورىندارىنىڭ بٸرٸن يگەرٸپ جاتقان «قاراشىعاناق پەتروليۋم وپەرەيتينگ ب.ۆ» كونسورتسيۋمىنىڭ جۇمىسىمەن تانىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆقا قاراشىعاناقتى كەڭەيتۋ جوباسى تانىستىرىلدى.
«قاراشىعاناق پەتروليۋم وپەرەيتينگ ب.ۆ» باس ديرەكتورى دجانكارلو رۋيۋدىڭ ايتۋىنشا, قاراشىعاناقتى كەڭەيتۋ جوباسىنىڭ 2021-2024 جىلدارعا جوسپارلانعان العاشقى كەزەڭٸندە 5-شٸ گازدى قايتا ايداۋ كومپرەسسورى مەن باسقا دا ٶندٸرٸس نىساندارىنىڭ قۇرىلىسى جٷرٸپ جاتىر. جوبانىڭ بۇل كەزەڭٸندە 970 ميلليون دوللار ينۆەستيتسييا قۇيىلىپ, 3500-گە جۋىق ادام جۇمىسقا تارتىلادى. ال جوبانىڭ 2023-2026 جىلدارعا جوسپارلانعان كەلەسٸ كەزەڭٸندە 6-شى گازدى كەرٸ ايداۋ كومپرەسسورىنىڭ قۇرىلىسى جٷرگٸزٸلەدٸ. بۇل كەزەڭدە 735 ميلليون دوللار قارجى جۇمسالىپ, 1300 جاڭا جۇمىس ورنى اشىلادى.
جالپى, قاراشىعاناقتى كەڭەيتۋ جوباسى سۇيىق كٶمٸرسۋتەگٸن ٶندٸرۋ دەڭگەيٸن 46 ميلليون تونناعا دەيٸن ۇلعايتىپ, قازاقستان رەسپۋبليكاسى مەن قاراشىعاناق جوباسىنىڭ سەرٸكتەستەرٸنە قوسىمشا تابىس تابۋعا مٷمكٸندٸك بەرەدٸ.
سونداي-اق كونسورتسيۋم سەرٸكتەستەرٸ قازٸر ەنەرگەتيكا مينيسترلٸگٸمەن بٸرلەسٸپ, جاڭا گاز ٶڭدەۋ زاۋىتىنىڭ تەحنيكالىق-ەكونوميكالىق نەگٸزدەمەسٸن ەزٸرلەپ جاتىر. ەگەر گازدى كەشەندٸ تٷردە ٶڭدەيتٸن زاۋىت سالىنسا, جىلىنا 4 ميلليارد تەكشە مەترگە دەيٸن گاز جەنە 0,5-0,6 ميلليون توننا پروپان-بۋتان فراكتسيياسىن ٶندٸرٸپ, ەلٸمٸزدٸڭ ەنەرگەتيكالىق ەلەۋەتٸن ايتارلىقتاي ۇلعايتۋعا مٷمكٸندٸك تۋادى.
مەملەكەت باسشىسى جاڭا گاز ٶڭدەۋ زاۋىتىنىڭ قۇرىلىسى ٶتە ماڭىزدى ەكەنٸن اتاپ ٶتتٸ. سونداي-اق قاراشىعاناق كەن ورنىنىڭ ەلٸمٸزدەگٸ مۇناي-گاز يندۋستريياسىن ٶركەندەتۋدەگٸ جەنە ەلەۋمەتتٸك-ەكونوميكالىق سالاسىن دامىتۋداعى ٷلەسٸ زور ەكەنٸنە نازار اۋداردى.
1997 جىلى ٶنٸمدٸ بٶلٸسۋ تۋرالى تٷپكٸلٸكتٸ كەلٸسٸمگە قول قويىلعالى بەرٸ ينۆەستورلار قاراشىعاناق كەن ورنىن يگەرۋگە 30 ميلليارد دوللارعا جۋىق قارجى قۇيعان.
ٶڭٸردەگٸ ەڭ ٸرٸ كەسٸپورىن سانالاتىن «قاراشىعاناق پەتروليۋم وپەرەيتينگ ب.ۆ» 3,8 مىڭ ادامدى تۇراقتى جۇمىسپەن قامتىپ وتىر. ال كونسورتسيۋمعا تٷرلٸ قىزمەت كٶرسەتٸپ, ٶنٸم جەتكٸزەتٸن 142 مەردٸگەر مەكەمەدە 20 مىڭعا جۋىق ادام ەڭبەك ەتەدٸ. جوبا جٷزەگە اسىرىلا باستالعالى بەرٸ قپو ەل ەكونوميكاسىنا 57,4 ميلليارد دوللار كٶلەمٸندە تابىس ەكەلدٸ. ونىڭ ٸشٸندە 45,9 ميلليارد دوللار بيۋدجەتكە سالىقتار, تٶلەمدەر جەنە ٶنٸمدەگٸ ٷلەس ەسەبٸنەن تٷستٸ.
جالپى, «قاراشىعاناق پەتروليۋم وپەرەيتينگ ب.ۆ» 1998 جىلدان بەرٸ ٶڭٸردەگٸ ەلەۋمەتتٸك-ينفراقۇرىلىمدىق جوبالارعا 754,5 ميلليون دوللار بٶلگەن. بۇل قارجىعا باتىس قازاقستان وبلىسى بويىنشا 16 اۋرۋحانا مەن ەمحانا, 3 دەنە شىنىقتىرۋ-سپورت كەشەنٸ, 34 مەكتەپ پەن بالاباقشا, تەاترلار جەنە مەدەني ورتالىقتار جەنە باسقا دا ينفراقۇرىلىمدار سالىنعان.
