ماۆريكيي ٷكٸمەتٸ Nagashiki Shipping Co جاپون كومپانيياسىنا تيەسٸلٸ جٷك كەمەسٸنەن مۇناي ٶنٸمدەرٸنٸڭ جاپپاي تٶگٸلۋٸنە قاتىستى ەكولوگييالىق تٶتەنشە جاعداي رەجيمٸن ەنگٸزدٸ. بۇل تۋرالى Kyodo اگەنتتٸگٸ حابارلادى.
مۇناي ٶنٸمدەرٸنٸڭ تٶگٸلۋٸ ارالدىق مەملەكەتتٸڭ جاعالاۋىنداعى مارجان ريفتەرٸنە قاۋٸپ تٶندٸرەدٸ. اپاتتىڭ اۋقىمى ەلٸ تولىق باعالانباعان, بٸراق جەر سەرٸگٸ ارقىلى تٷسٸرٸلگەن سۋرەتتەردە جاعالاۋ ايماعىنا تٶگٸلگەن ٷلكەن مۇناي داقتارى بايقالادى. ماۆريكيي بۇۇ-عا ەكولوگييالىق اپاتتىڭ سالدارىن جويۋعا جەدەل كٶمەك كٶرسەتۋ تۋرالى ٶتٸنٸش بٸلدٸردٸ.
Nagashiki Shipping Co. Ltd. مەلٸمدەمەسٸندە Wakashio كەمەسٸ 26 شٸلدەدە ارالدىڭ شىعىس بٶلٸگٸندەگٸ تۋريستەر اراسىندا تانىمال Blue Bay جاعاجايىنىڭ جانىندا قايراڭدا قايىرلاپ قالعان. ارتىنشا مۇناي ٶنٸمدەرٸ تٶگٸلگەن تەسٸك پايدا بولعانى حابارلاندى. پاناما جالاۋىن كٶتەرگەن كەمە سينگاپۋرگە سوعىپ, قىتايدان برازيليياعا باعىت العان. ونىڭ بورتىندا 4 مىڭ تونناعا جۋىق مۇناي ٶنٸمٸ بولعان. مۇحيت سۋلارىنا قانشا وتىن تٶگٸلگەنٸ ەزٸرگە بەلگٸسٸز.
